20-5-2008:延續蒙兀兒之路

今日終於可以離開烏蠅之城了﹗agra除o左有幾個好有歷史價值o既觀光地點之外,真係一個難以令人喜愛o既地方(直接D講就係討厭)~交通又立立亂,周圍又多烏蠅…

我o地一早起身,叫o左room service,梳洗執拾我o地就出發去火車站啦~今朝早餐有新口味,我同connie share o左一份toast with butter同埋scrambled eggs,食D蛋,份早餐即刻豐富好多﹗當然有我o地所喜愛o既奶茶啦~

搭auto rickshaw去agra cantt火車站,時間都仲好早,加上唔駛抬住大大件o既行李,過去月台時都好輕鬆~

agra cantt火車站

早餐時間,係停站o既列車窗前,有好多好多o既人叫賣食物o架~

我o地回程坐sleeper class,不過清晨o黎講都唔會好熱o既~umum…三個鐘o既車程,我睇o左本印度女人雜誌femina啦~又寫o左幾張postcard,都幾充實﹗

又delay o左啦~番到delhi o岩o岩係食飯時間lu~去o左火車站旁邊一間「美食廣場」,其實食D o野都平時差唔多~都係叫D飯呀、麵呀、汁呀、餅呀咁o羅~

我o地挑選今日去參觀胡馬俑大帝陵墓,就係因為個陵墓正正係我o地落車o既火車站旁邊~點解個標題叫「延續蒙兀兒之路」係因為,我o地去delhi、agra呢幾日,參觀o左好多蒙兀兒帝國時代o既古蹟,今次個墓o既主人又係佢o地o既王o羅~陵墓建築好靚、好宏偉,以紅色o既紅砂岩同埋白色o既大理石為主~外面靚,入面空洞洞咁o羅~成日都唔係好明,點解以前D皇帝要花咁多錢起D咁靚o既陵墓,但皇宮反而又冇咁宏偉咁呢?﹗

胡馬俑大帝陵墓主樓

美麗o既鑲嵌大理石~

靚靚mughal style o既花園

我o地大概逗留到三點幾就回程番去酒店啦,今晚有重要事要做﹗

番去hotel star paradise(雖然叫「paradise」,但每間雙人房每晚只係Rs750,即是HK$150,但雖然咁平,但都幾舒服啊~又有平平room service,不過質素就…見下文﹗)安頓一下之後,我o地三個女生出去逛逛街,酒店外面條街叫main bazaar,睇個名就知道多o野賣啦,呵呵~買o左唔少o野~但係D手信都未搞得掂晒呢~要係之後o既地方加緊留意﹗

晚餐叫o左room service,一個正常o既veg hakka noodles、一個用hakka noodles o黎整o既spaghetti(所謂o既「spaghetti with chicken meat ball」,只有「chicken」呢隻字講o岩o左,因為用o既唔係意粉,而係hakka noodles,雞o既型態唔係meat ball,而係雞柳,唉~印度人真係…)、另外有fresh lime soda~Rs15(~HK$3)同Rs45(~HK$9)o既fresh lime soda真係好有分別﹗尋日係agra高級餐廳o既fresh lime soda,俾o既係青檸汁、糖水,但呢度嘛,俾o既係切半o既青檸同埋砂糖o羅~砂糖點溶係冰凍o既梳打水入面?﹗好在,加多D糖都可以增加甜度o既~果然一分錢一分貨~

食飽飽就要做重要事啦﹗要上網揀實習o既post呀﹗umum,其實都唔知道策略正唔正確,一來唔知佢個電腦programme係點run,二來唔知道自己每一科係班入面o既排行,三來唔知道邊間醫院o既邊一科受唔受歡迎,總之乜都唔知啦~anyway,我只想有主要o個四科,然後係大醫院(除教學醫院外)入面做就ok了~希望ok啦~

聽朝又要早起執行李,一天o既行程過後又離開呢個城市啦~

待續

前往其他印度旅遊blog

Comments

comments

在《20-5-2008:延續蒙兀兒之路》中有 6 則留言

  1. 印度D宮殿、庭園整體黎講同街頭相差好遠呢…好似兩個世界咁…
    [版主回覆06/02/2008 11:57:00]replied

  2. 點解印度既陵墓都差不多樣咁既?? 好似只係牆既顏色唔同. 不過真係好宏偉. 你地有冇起街度見到平民既陵墓係點架?

  3. Re家姐:
    其實都唔知係咪因果關係…以前D皇帝好大喜功,只起D宏偉、富麗堂皇但又冇乜用o既建築,相反,如果o個陣起多D基礎建設,幫助國家o既發展,咁而家印度會唔會富裕D,然後市容又好D呢?我都唔知道﹗

  4. Re uHnsUi:
    umum…我又冇比較過佢o地有幾相似喎~只係小泰姬陵抄足晒真o個個﹗不過都係D宏偉o既靚靚建築o羅~顏色都係o個幾種咋,因為佢o地D材料就係o個幾種嘛~
    我好少見到普通人o既墳墓呀,墓地只搭車時見過一次,不過o個個係基督教o既墓地,所以同世界其他地方o既差不多o羅~印度教o既墓地我就唔知係點lu~

  5. 如果相信死後真的可以繼續享用陵墓的設施,那比住在皇宮的日子可差別很大呢!因為那可不是五七十年,而是永遠的事啊!
    [版主回覆06/04/2008 18:40:00]replied

Rita 發表迴響 取消回覆

你的電子郵件位址並不會被公開。 必要欄位標記為 *