16-5-2008:德里at the first sight

其實搭過咁多次夜車,應該都冇乜好寫啦,但尋晚jodhpur去delhi o既車程真係好搞笑,無啦啦刮起風沙,我o地要急忙關晒所有窗,然後用紙巾掩口鼻,先可以繼續討論行程,如果唔係就要食晒沙﹗持續o左都有半個鐘o架~結果…?覺之前要抹抹抹張床﹗總之就搞到好污糟好污糟啦﹗?冷氣車廂就唔會發生呢D事啦~不過會係起碼四倍價錢﹗

終於抵達印度o既首都delhi了,亦係最多遊客o既地方~今朝火車大概七點鐘到達舊德里火車站,本來諗住即刻開始去舊城區遊覽o架,但尋晚火車o既旅程實在太污糟了,改變策略,先番酒店,沖個涼再出去~

原本係孟買時打o左電話預約,點知去到話冇booking喎,雖然佢都有房available…點都上去睇下狀況先啦~呢間酒店極平,係我本旅遊書有寫o架,Rs200一晚一間雙人房(~HK$40)﹗但…真係不堪入目﹗冇冷氣o既房居然冇窗口,冇花灑浴啦,另外床單灰色+有洞洞啦…連我都唔接受﹗好在附近有勁多酒店﹗旁邊o個間叫我入去睇…

一見就喜歡了,AC房都係Rs725咋(平過孟買o既pals hotel﹗)~而且似間酒店o既setting~很好﹗張被仲要摺到…哈,好搞笑﹗

我o地輪流沖過涼、叫o左room service早餐,跟住就出發啦~諗住朝早先去新德里o既政府靚靚大樓參觀影相…點知…出師不利﹗去新德里火車站搭pre-paid
autorickshaw(電動車)去國會大廈,個司機居然唔識路﹗中途問o左超過五個人﹗花o左好多時間兜o黎兜去呀,好在唔係跳錶o者﹗落車都仲要花好多時間先同另一架auto
o既男生會合~

註:auto rickshaw照理上係好方便o既交通工具,係計程車o既平版,不過delhi
o既auto司機對住遊客唔肯用跳錶,一定要講好價錢,佢o地聯成一黨,我o地遊客就好陰公了,講價又講唔成…所以有所謂o既pre-paid auto,係火車站有pre-paid booth,係o個度按距離先收費,再搭車,對乘客有多D保障o羅~

哎??,去到parliament house原來靠近D影相都唔得,D警衛趕我o地走呀~所以放棄埋president estates…相信待遇都會差唔多~

決定直接去國家博物館~

經過呢D緣蔭處處o既街道~angela話我影呢D地方失實喎,哈,的確我唔會影D核突垃圾、水窪、烏蠅、死老鼠…(<–以上皆是係印度時常見到o既東西﹗)

national museum唔准影相呀,所以冇得睇lu~唉,參觀呢個地方真係一個笑話﹗入場費…學生Rs1(~HK$0.2)﹗外國人Rs300(~HK$60)~好在佢都計我o地係學生o者~入到去cafeteria食lunch先,只有veg buffet,只有三道菜、白飯、薄餅,居然收費Rs100(~HK$20),好貴呀﹗佢o地話要食多D芝士o個道菜喎,因為係出面食芝士比較貴,但係點食都食唔到Rs100啦~

我o地跟個guided tour,真係oh no no,個導遊D英文勁難聽,講D o野又唔係好合適,真係好想快D完呀,但個tour又係我o地五個人request o架喎,唔好意思跟跟下話唔跟家嘛~火車?得唔好+飯氣攻心+悶悶講解=好眼?﹗後來去睇film show,又係催眠之作,講一D考古o既發現o羅~太多專有名詞了,又唔係特別有興趣,所以都聽唔明呀~總之所有都一團糟啦﹗其實個museum o既館藏係好豐富o架,不過presentation做得唔好o羅,即是,只係將所有o野放晒係你面前,又冇乜講解咁o羅~可以有大大改善o既空間﹗枉我見佢係「國家級」而滿有期待添~

下一站去india gate,係delhi o既landmark o黎o架~

旅遊書話就好似巴黎o既凱旋門咁喎~呢個叫india gate,孟買o個個叫gateway of india,我就覺得孟買o個個宏偉D o者~

india gate附近有個水池,見到有好多小男生係入面玩水﹗哈,都唔係第一次見啦,之前光脫脫的都有﹗

聽日打算參加local tour,我o地去o左旅遊局報名o羅~會帶我o地去市內一D遠少少o既景點,希望可以節省D交通費啦~

報完名去connaught place,o個度有KFC食呀﹗雖然貴,但炸雞o既味道俾到我番到香港o既感覺﹗太good了~我o地之後坐地鐵番酒店,冇錯,係地鐵﹗剎那間好似變番一個現代人了﹗今日係o黎到印度之後第二次搭扶手電梯咋,第一次係孟買borevali o個個商場(第一次睇戲o個次呢~)~

酒店原來附設網吧,好方便呢~上網又快﹗我決定晚晚都要上﹗追番post番D blog
blog啦~

待續

前往其他印度旅遊blog

Comments

comments

在《16-5-2008:德里at the first sight》中有 8 則留言

  1. 去到異地生活, 梗係咩都影好d啦!! 起碼第時返到香港都有得睇返嘛!! 得閒影下d 核突垃圾、水窪、烏蠅、死老鼠既景黎睇吓, 等我地睇吓印度既真面目都好呀
    [版主回覆05/29/2008 00:36:00]replied

  2. 個水池都令我諗起羅浮宮附近一個水池呢~ 當然人家只會放吓船仔,唔會咁樣走晒落水玩啦!
    妳似乎開始掛住香港了,幾時會返嚟呢?
    [版主回覆05/29/2008 00:37:00]replied

  3. ROOM SERVICE早餐…好奢侈喎﹗
    學生Rs1(~HK$0.2)…外國人Rs300(~HK$60)..咁一般印度國民呢?其實大陸都有咁既情況呢﹗
    [版主回覆05/29/2008 00:40:00]replied

  4. Re uHnsUi:
    wei~我番到香港lu﹗
    哈,我又冇影太多喎,之後o既「烏蠅之城」就有影少少o既…可能因為見到D核突o野時,自己o既步伐都快D﹗快快逃離現場﹗不過我D同學仔好似有影…

  5. Re墨西:
    係呀,D細路仔成日都跳入公園D水池玩o架,我o地仲有見過佢o地光脫脫,除晒衫褲跳入去玩添~(仲要show小弟弟俾我o地睇…真係oh no no~)
    hee,我番到香港了﹗而家係28/5﹗落飛機五個鐘~

  6. Re家姐:
    我o地係印度其實成日都嗌room service o架,因為佢收費同去酒店餐廳食一樣丫嘛,而且可以節省時間,唔駛坐係餐廳入面等~自己酒店房又舒服D~加上delhi呢間酒店根本就冇餐廳添~

Rita 發表迴響 取消回覆

你的電子郵件位址並不會被公開。 必要欄位標記為 *