14-5-2008:大步跨過

唉,真係估唔到會有D恐怖o既事同我咁近,好好彩,感謝天主~早前係四川發生大地震,香港o既新聞主要報導呢件事吧,發生係印度o既事你o地未必知,其實尋日(13-5-2008)係jaipur(捷布)發生o左炸彈恐怖襲擊,正正係當時我o地身處o既舊城區﹗晚上七點幾鐘,我o地係pink city o既golcha cinema睇緊戲,呢個時候,係我o地下晝逛過o既tripolia bazaar發生o左炸彈襲擊…都係今朝先知道咩事…難怪睇完戲之後咁難截車啦~

坐火車一D都唔順利﹗上到車,我o地個位有人?緊喎,問下佢咩事啦,噢,人o地仲醒目過我o地,原來係我o地理虧…買飛買錯日期﹗一直諗要13號晚離開jaipur、14號朝去到jodhpur…買o左13號o既火車飛,但我o地冇留意班火車係十二點之後先開車,所以我o地應該係買14號o既飛﹗唉,五個人都唔發覺,咁都冇辦法啦~唯有搵個位安頓住先等車長查飛時問下點算啦,點知坐住先、?住先,直至天光車長先o黎check飛﹗哈,佢睇住張飛乜都冇講喎?

莫非…

ddx 1:佢見都就快到站咯,多一事不如少一事;ddx
ddx 2:佢見我o地其實都唔算搭霸王車丫,有俾錢搭車,問題唔大,所以算數;
ddx 3:佢發覺唔到張飛唔對路;
ddx 4:佢費事同我o地講咁多英文…唔知呀?總之最後ok啦~

係jaipur book好o左今朝早去jeep safari,即是坐住架吉普車遊沙漠,原本以為趕唔切o架,因為火車係jaipur開車時已經delay o左個幾鐘,但居然後來又追番唔少時間喎~

jaipur火車站

我o地買好足夠o既水,就搭上吉普車出發o羅~

當我o地坐係吉普車,但仍然係市區時,車停低就有好多好奇o既jodhpur市民擁過o黎﹗未入沙漠,safari就開始了,不過係D jodhpur人睇我o地呢D外國人動物o羅~你睇,angela係度熱烈咁招呼緊佢o地﹗個場面真係好搞笑~

個safari唔係唔好,只不過同我o地想像有D出入啦~沙漠係點?一個個沙丘、有D仙人掌、間中見到駱駝之類…但根據以前讀過geography,沙漠o既定義應該係按o個個地方o既全年降雨量o黎定o既~所以,我o地去o既沙漠呢,沙丘就冇喇,不過係D荒蕪o既地方o羅~

有咩睇?司機帶我o地去參觀D沙漠村民o既地方,第一站睇陶瓷,個師傅即時用黏土造o左好多個壺、花樽、錢罌,造得又快又好,可惜丫,又大件又重又易爛,都係唔適合帶番屋企啦~第二站古古怪怪的…去到叫我o地圍住個老翁坐低,中間有D工具,??﹗原來係示範點樣食鴉片+用鴉片o黎做祭品﹗佢磨碎o左D啡黑色o既東東,加水過濾幾次,就整好了﹗淋D俾shiwa神啦,剩低o既自己飲o左…佢話飲o左鴉片就會力量大增可以做好多hard work了﹗好恐怖…有俾我o地試呀,冇人試﹗(意料之內…因為無論係鴉片定係村子o既水都係唔應該放入肚…)之後帶我o地去睇手織地氈,都好free o既,冇話逼我o地買~

牧羊人帶住一大群羊

製陶師傅

織布師傅

坐吉普車繼續進發﹗

係個沙漠駛過時,見到好多野生動物﹗有好多好跳躍o既鹿啦,不過好遠好遠呀﹗高潮所在就係見到野生孔雀o既時候了,雖然冇開屏,但佢o地o既尾巴非常長、非常翠綠~而且仲要係我o地架車前面過馬路﹗孔雀係rajasthan省o既重要鳥類o黎o架,連皇宮o既設計都會搵孔雀做題材﹗幾時可以見到孔雀開屏呢?要係雨季o既時候lu,即是7-9月左右,亦因為咁,jaipur個city palace有四道門以四季為主題,雨季就係用孔雀做代表啦~

令人興奮尖叫o既孔雀,你睇,幾近~

臨離開沙漠前係荒蕪o既土地上留影

之後都開車番jodhpur市區lu~本身諗住係市中心落車,食lunch再商量下晝o既行程~咦,點會咁o架?﹗所有鋪頭都關晒門﹗原來係受到jaipur炸彈襲擊o既影響…想搵間餐廳食飯都難﹗而且到處仲有警察封路添~司機介紹o左我o地去一間酒店o既餐廳食lunch~餐廳果然好靚呀,好在貴得o黎都未算太貴,起碼比孟買o個間veg餐廳平~

靚靚酒店o既靚靚食物~

食飽飽,搞清楚情況,決定今日都係唔出去lu~番酒店休息下啦~

酒店睇落好企理…但,(又)發生o左麻煩事﹗上網俾o左錢,酒店話收唔到錢﹗搞一大輪,唔講了,好煩~俾住cash先啦~希望之後可以搞得掂啦~

之前真係好頻撲,所以都好累呀~上到房之後沖個涼,個人又昏昏欲睡了,出去酒店dining hall食晚飯,晚飯後又好快倒下了~連續幾日太累了~

待續

前往其他印度旅遊blog

Comments

comments

在《14-5-2008:大步跨過》中有 10 則留言

  1. 炸彈恐怖襲擊咁驚?? 你冇事就好啦!! 小心d呀!!
    俾成班印度人圍住都幾驚架喎. 你有冇驚呀? 俾我就會有d驚嘞, 不過一大班friend一齊都好d.
    隻孔雀係咪野生架??
    [版主回覆05/29/2008 10:41:00]replied

  2. 炸彈爆炸、買錯火車票、看完電影難截車、返巿區難找餐廳,最後都逢凶化吉,應感謝天主。至於酒店說收不到上網費,算了吧,到底錢財乃身外物,即使最終拿不回,也不要因此而覺掃興。七星期的旅程,有開心的,也有不開心的,這才成為日後的美好回憶。
    [版主回覆05/29/2008 10:43:00]replied

  3. 哎呀!!!好危險呀!!你要小心呀! 同埋你那長俾人圍嗰張相好好笑  ~ 你個樣好無奈~~ 我收到你Postcard 了~ 等你回來再吃生日飯喇~~
    [版主回覆05/29/2008 10:45:00]replied

  4. 嘩!真係好危險啊!因為四川地震,呢十日差唔多都冇乜其他地方嘅新聞報導呢!你地真係要小心小心啊!
    我的朋友在當地跟local tour去沙漠,真係一個個沙丘咁架~ 仲要騎駱駝同係沙漠過夜,真係露天瞓係沙漠度呢!
    [版主回覆05/29/2008 10:48:00]replied

  5. Re uHnsUi:
    真係嚇壞了~好在冇事咋~
    哈,o個陣又唔覺得驚喎,反而覺得好好笑﹗因為佢o地圍住嘛,個司機開架車去前面少少「擺脫」佢o地,但佢o地又追上o黎﹗佢o地唔識講英文嘛,就係圍住望下我o地都好~
    係呀﹗野生o架,有好幾隻就係我o地前面行o黎行去﹗孔雀係印度「國鳥」o黎家嘛~

  6. Re媽:
    是啊﹗要感謝天主﹗樣樣事都逢凶化吉呢~
    哈,我都係咁同佢o地講,有好多時激氣o既事、荒謬o既事,反而成為最後津津樂道o既故事~

  7. Re古古:
    好在冇事咋~lucky lucky~
    o個個情景的確好搞笑﹗
    你應該會仲有一張postcard呢~唔知幾時會收到呢?
    係呀,期望同你o地見面﹗如果o個陣晒好相就可以俾你o地睇相啦~

  8. Re家姐:
    heehee,angela從來都係最受印度男士歡迎o個個﹗佢cutie嘛~所以招呼o既責任都係佢身上啦﹗呵呵~

  9. Re墨西:
    係呀,我o地都知有呢D「sand dune tour」,但要去jaisalmer先有得參加呢,因為我o地時間唔夠,所以cut o左呢個行程呀,加上而家係印度最最最熱o既日子,tourist information centre o個度都同我o地講話而家去會好辛苦o羅~

發表迴響

你的電子郵件位址並不會被公開。 必要欄位標記為 *