七點幾火車就到達udaipur(旅遊書譯作「烏岱浦爾」) lu~係火車上唔可以話?得好好o羅~reasonable就係啦~其實我都算係去到邊瞓到邊o個D人，不過係車上面搖下搖下，地方又窄，我都醒過好多試，今晚一定要?番覺好o既~

落車要將D行李由月台搬番去車站大樓都好艱巨呀，我o地總共有五件巨行李喎，仲要件件都廿幾卅十kg(angela o個件纖巧行李除外﹗)，上樓梯落樓梯要兩個人先搞得掂，成車汗呀﹗又累喎~好在book o左o個間酒店好近火車站(仲好講，之後先激氣呀﹗發生到o個個位先講啦~)~

搬行李

安頓好D行李，係lobby食埋自己早餐就出發去玩o羅~因為時間尚早，本身想去bazaar都要先取消，我o地第一站去jagdish temple，係一間印度教o既廟宇，建築好靚呀，有好多大象、神像o既雕刻，入面有唔少人參拜緊，仲有D人係度誦經添(唱的)~所以好有氣氛呀~不過呢，之前都有去過第D廟宇，好似係廟入面乞錢o既人特別多？﹗(其實無論係孟買，定係而家o既udaipur，街上都有好多人行乞，主要係女人同埋細路仔o羅~)咁樣呢，入廟要脫鞋家嘛，我o地出番o黎時，居然有人同我o地收錢喎？﹗有冇搞錯？﹗(之前去ellora o個次都發生過類似情況，不過o個次有個女人攬住我o地堆鞋o羅~話係保管費之類…)唔理呀，唔俾呀﹗之前都冇講話要收錢﹗我o地照著鞋照走，如果我o地「放霸王鞋」咪叫警察o羅~可惡呀﹗

jagdish temple

下一站我o地就去udaipur主要景點city palace了，呢個王宮有五百幾年歷史，不斷咁擴建、改建，上一代國王(而家仲有國王o架，不過係冇權o個種o羅~)將個王宮一部份改為博物館，一部份改為旅館，一部份留番自己住，好smart呢，咁就可以撈一筆了﹗錢錢錢錢~~~~~~~~~我o地參觀o既主要係museum部份﹗由temple行過去palace之間有好多靚靚鋪頭，女生們被吸住了…大家都大有斬獲呀﹗我買o左好多postcard，另外其他o野就後來先買o既~

我o地請o左個tourist guide帶我o地逛王宮呀，係門口標明收費(一至五人的tour收Rs100，印度語以外另加Rs50，總數~HK$30啦~)，又係當地政府approve o既，質素有保證，加上埋o黎approach我o地o個個人D英文又勁易聽喎(有時印度人D口音真係好難聽﹗)~大家都同意了~好好呀好好呀﹗佢guide得真係好good﹗講好多有趣o既典故俾我o地聽，我o地又可以隨便問佢問題喎~好似：「城門上面有刺，等敵人用大象進攻時就會刺傷大象個頭~」「上戰場時馬匹會戴個大象頭套，等敵方o既大象誤以為係象BB而唔進攻~」「點解王宮四樓o既花園會有樹木？因為原本o個一part係起係一個山坡上面，個王宮係圍住棵樹o黎起o羅~」等等等等…入面唔影得相呀，所以行得比較快~因為我o地太滿意佢o既服務，令人有賓至如歸o既感覺，結果我o地俾o左唔少tips佢呢~

去食午飯﹗係palace外面有好多「roof top restaurant」(「屋頂上」？﹗stanley話去到台北要帶我o地去o既一個地方﹗)，我o地揀o左一間non-veg又靚靚地o既去食，坐得幾舒服丫，個view對正朝早去o個間temple~食到tandoori alu，KEM o既醫生之前同我o地提過，話rajasthan省係出名食tandoori(烤爐焗)o既食物o架~

roof top restaurant

下晝又逛多逛D鋪頭，我又買o左D東東﹗有自己份有人o地份咁啦~之後去遊湖，坐船去參觀lake pichola同埋湖中央o既jagmandir palace，坐船時仲可以遠觀番city palace，同埋住客先可以入去o既lake palace呢(第時賺到錢一定要住下呢D palace hotel呀﹗好華麗呀~)~

遊湖

個tour停我o地去參觀jagmandir palace，入面有少少展館、有好優美o既庭園、仲有飲o野o既地方呀﹗本身都想係o個度飲果汁o架，但冷氣部份裝修緊添，算數啦算數啦~唔飲住了，出去先飲啦~

jagmandir palace

出去搵o左另一間roof top restaurant，叫o左D汽水、一份蜜糖多士，嘆嘆下午茶~味道就普普通通啦，總算係炎熱之中飲番D凍o野，都好舒服o既~

city palace外面o既街道

落樓原來地下係一間gallery，有個人叫我o地過去睇佢D精緻畫 (udaipur係好出發手工藝術o架，特別係精緻畫)，又真係好靚喎，而且越貴o個D越靚添~真係oh no no~恐怕去到delhi真係要加碼換錢了﹗

精緻畫師傅

趕趕趕趕趕﹗更改行程，趕唔切去睇民族舞，唯有改去睇日落先啦~犀利咯，原來五個人可以逼一架auto rickshaw﹗之前係孟買我o地不嬲都係兩個人、三個人咁樣搭o架，估唔到可以「歡樂滿東華」﹗逼得晒喎~租少一架車，慳番唔少錢~

睇日落

睇日落o個度真係好靚呀~~~~~~~~~~~~~~~lake pichola上有兩個palace，湖後面係層層疊疊o既山~好似中國山水畫o既background有一個漸漸向下o既太陽~天色開始黑時，jagmandir palace開始著燈了，變了夜景啦~入夜o既時候，天上面有一隻隻o既飛出o黎，雀仔?﹗唔係呀，太恐怖了﹗係蝙蝠呀﹗哇呀~~~~~~~~~~點解會咁o架？呢D係「千機變」o既場景o黎o架喎，點解會係現實出現o既？﹗udaipur唔係白色城市，而係蝙蝠城市﹗天上o既蝙蝠簡直好似孟買o既烏鴉咁多﹗

蝙蝠之城

都係快快脆脆走好了~租一架auto rickshaw番酒店附近食飯，餐廳唔多呢，一係就要行好遠，我o地去o左一間只有得食veg thali(套餐)o既餐廳食，坐埋去已經有一個個不?鋼盤子放係度，上面有一個個小小o既不?鋼兜係度，我o地坐低冇耐，就俾人圍了﹗咩事？原來係D侍應拎住各式各樣o既食物分發入我o地個盤度﹗有好多款汁啦、薄餅啦、甜品啦…好澎湃﹗食到飽飽的﹗但係又好辣呀~估唔到一間鋪頭淨係賣thali都咁多客喎~有人等位添呀~

veg thali

諗住番酒店check-in就休息啦，點知發生o左意外﹗間酒店個reception居然當我o地係今朝七點幾check-in，註：我o地係冇拎過鎖匙、冇入過房的﹗咁咪唔可以24小時後，係搭火車走之前check-out o羅？﹗有冇搞錯？我o地朝早時明明問得好清楚，如果我o地真係有check-in到呀，點解要放D行李係個lobby度唔放入房丫？﹗佢打個電話俾個老闆同我o地講，個老闆居然都唔肯讓步喎？﹗唔理呀，唔住了，激嬲o左我o地唔駛旨意呀﹗即刻搬番晒D行李出o黎，走人﹗我o地見到轉角有一間酒店，雖然差差地，都好過激死人o個間﹗結果而家住o左入去Rs350一間non-AC o既房o羅~冇花灑浴、冇電話、冇坐廁、冇廁紙，不過有蚊香，加枕頭都唔收錢~最好o既係俾我o地聽晚先check-out﹗希望一切順順利利啦~

好累了，聽日又要出去玩一日啦，goodnight﹗

待續

前往其他印度旅遊blog

Comments

comments