19-4-2008:ellora和周邊

aurangabad呢間hotel shree maya真係比起我o地mumbai o個間舒服好多,呢一覺?得真係好,好到瞓瞓下以為自己係屋企張床,一個翻身踢到身邊o既angela添~

hotel shree maya o既外型,不錯吧﹗

間酒店o既dinner我o地就試過了,今日試一試佢o地o既早餐~其實有buffet早餐Rs65,可以食cornflakes、麵包、水果、蛋、果汁、咖啡茶o個D,不過我o地覺得就咁散叫都夠滿足~我叫o左scrambled eggs配多士飲咖啡,都好好味呀~其實D牛油同埋jam都有D肚痛risk,不過嘛,人人都係咁食,呢度仲有咁多外國人添,應該都ok o既~hee,直到而家(20-4-2008 11:15am)都未肚痛,之後肚痛的話應該都唔關佢事了~

之後就出發去local tour了,尋日參加o左ajanta caves o既tour,要搭好長o既車;今日就參加o左ellora caves+city tour o既團,因為ellora近aurangabad得多,所以搭車比較少,睇o野比較多~團入面又碰到尋日有去ajanta o既荷蘭退休教師夫婦,自己一人o既美國女子,有個白人男子~同團有兩個日本女生~

旅行社旁邊o既旅館又咁o岩有人舉行婚禮喎~

第一站去睇daulatabad fort(古堡),呢度幾百年前曾經係印度o既首都六年,地點、城堡o既結構都好安全,不過後來因為水源不足,所以就維持唔到落去了~local tour o既導遊帶我o地參觀o左城牆、護城河、城堡裡面~

古堡o既外型~

野生猴子o既品種簡直就好似係動植物公園先見到o個D呢~好在呢度D馬騮唔襲擊人o者~

後來有個當地人拎住火把帶我o地睇D秘道,因為當年要避免俾敵人進攻,所以有好多「false passages(假通道)」,我o地一堆人跟住火把行都有D探險feel o架,而且入面D路仲要彎彎曲曲,有高有低,幾有趣~

個城堡入面有間廟,佢o地埋去唔知點樣敬一敬禮,o個個女人就幫佢o地係眉心點一點紅色的東東了,我係天主教徒當然冇去啦~

係個堡上面可以望得好遠o架~

第二站去主打o既ellora caves(石窟)了,有別於尋日去o既ajanta caves,呢度o既caves分別係三種宗教o既caves,有佛教、印度教同埋jain教(旅遊書翻作「耆那教」,jain教有咩特別?我o地去呢度D餐廳食o野,menu有時會寫「dishes can be made jain」,多口問一句係咩意思,原來就係唔落蒜呀o個D香料~)o既caves。因為時間唔多,所以導遊只帶我o地參觀最重要o個幾個caves o羅~

成座building都係由座山o既石頭雕出o黎o架﹗

你睇幾精緻﹗

雖然外面好熱好熱,但係石窟裡面都好陰涼,叫做歇一歇啦~

係旅遊局o既指定餐廳食完lunch,睇埋幾個jain caves,我o地就離開ellora caves了,出發去第三個景點,ellora village入面o既印度教temple(寺廟),人頭湧湧呀,好多本地人去祭祀,佢o地祭祀主要用鮮花,所以我o地一落車就有好多攤子同我o地兜售一盤盤o既鮮花了(註:唔係「一盆」,佢係用一個兜o黎載住幾款唔同o既花朵~)~入到去廟要脫鞋,天氣又熱,哇,尤如熱鍋上的螞蟻,隻腳係地下唔可以停留多過一秒﹗一定要踩上地蓆﹗我o地冇入去參拜o既位置呀,男人入去要脫上衣,佢o地兩個又唔肯喎,我o地又費事去逼,所以睇睇外面就算lu~

人頭湧湧+好多光脫脫男﹗

哈,估唔到下一站係購物站,以為香港呀、大陸呀D旅行團先有呢D o野o者,印度o既local tour都有喎,不過唔強逼o既,有D團友都冇落車~

之後去另一個重要景點bibi-ka-maqbara,另一個名叫做mini taj mahal(小泰姬陵),佢o地無論外型、顏色、結構都好相似﹗有咩唔同呢?細D啦,大概係真o既四分之一,同埋佢唔係100%同大理石做o羅,只有圓頂同埋地板係~泰姬陵係為記念一個皇帝o既妻子,而小泰姬陵就係王子為記念佢媽媽而起o既~城市叫做aurangabad,aurangadez咪就係o個個皇帝o羅~未去過真正o既泰姬陵,呢個小o既都覺得好靚了~

好喜歡精緻o既雕刻~

見到月亮升起了~差不多係滿月o既時間啦~

去到最後一站,呢個有少少…umum…hea,地方叫做panchakki,一入到去時睇到o既只有一個小小o既瀑布同埋水池,仲要有盞綠色、庸俗o既燈照住D水…心諗…睇乜o架?原來呢D水係6公里外引o黎o既水,水力會轉動水車,用動力o黎磨麵粉,唔,總算係農業文化o既產物啦~

咪就係咁o既瀑布同水池o羅~

個團結果比原定遲o左個幾鐘先完呀~天都黑lu~我o地番酒店食dinner、大家沖個涼,就要出發去火車站了,等坐夜車番mumbai~等車時有好多時間嘛,我係度怒睇小說﹗之前係地攤買到「P.S. I love you」o既小說嘛~而家大概睇o左五分之一了,我都同主角holly一樣好期待睇佢先夫gerry o既信呢~

火車o既環境冇o黎o既時候咁混亂,人少D,冇咁雜、冇咁嘈~?得都ok舒服,係到中段時凍得滯o羅,要落床關窗~我係三點幾時醒家嘛,又經過o個段奇臭無比o既路﹗好奇怪,就係o個廿幾啖氣o既時間,好臭好臭好臭~o個種臭味係第二度聞唔到o架(令人諗起天龍八部入面o個隻咩解藥…)~但當時只有我一個係醒o架喎,搵唔到共鳴添~冇人都聞過o個陣臭味…就係呢架火車度???,就變成第二日啦~

因為著o左拖鞋出去,所以我o地對腳變o左「印度人腳」,非常污糟﹗因為太多塵太多泥沙了~

待續

前往其他印度旅遊blog

Comments

comments

在《19-4-2008:ellora和周邊》中有 8 則留言

  1. 呢間酒店真係靚好多呢!而且呢日嘅行程都豐富好多咁…個cave都靚啲啦!
    個小泰姬陵像真度真係幾高,第一眼睇張相都以為係真嘅泰姬陵呢~ 只係覺得有點…原來係mini版!
    我記得以前去旅行,有同學日日都著住對有米奇頭通花嘅拖鞋出去,結果晒咗個烘係雙腳面度!變成「米奇腳」呢!
    [版主回覆04/24/2008 14:40:00]replied

  2. 嘩﹗間酒店真係好靚好可愛呀﹗
    隻馬騮個樣好招積…令我諗起你係浮羅交怡俾馬騮搶薯片…
    男士要脫去上衣參拜,很特別呢﹗
    今日既旅程好似豐富D喎…

  3. Re mak sai:
    Absolutely, this hotel is much much much more new and clean than the one in Mumbai. Surprisingly, this one is even cheaper. Probably because Mumbai is a big city and everything is more expensive la.
    Caves…both Ajanta and Ellora has its own features ge~
    We haven't seen the real one yet. The mini one already made us very excited lu.
    Haha…it's cute then.

  4. 購物站賣的是甚麼?紀念品之類,還是土特產?
    [版主回覆04/28/2008 23:13:00]replied

  5. 沒有肚痛真好!!~ 有沒有陷阱ga?!~ 一看都以為是泰姬陵呢!!~ 很沒有中size?! or 泰姬陵模型賣呢?! 那張合照是用你的相機影的麼?! 影得很靚bor!!!~ d 色很好!!
    [版主回覆04/28/2008 23:19:00]replied

  6. Re爹爹:
    主要都係賣紀念品同埋賣小食飲品啦~紀念品方面種類唔多,主要都係首飾呀、postcard呀、雕刻擺設之類,不太吸引之餘又要講價~

  7. Re day:
    原來間酒店都好信得過o既~good﹗
    有o架,因為用o黎trap敵人嘛,係黑暗中上上落落都夠陷阱了,聽講有D false passage會係掘頭路…不過帶我o地行o既應該好安全o既~
    哈,其實仲有好多建築被稱為「小泰姬陵」o架,之後應該會再去多一個~模型?自己砌的就未見到,但擺設就有得賣~
    好似係用kelvin部機,都係sony機o黎o架,係我o個部o既後代~

發表迴響

你的電子郵件位址並不會被公開。 必要欄位標記為 *