21-10-2007:甜蜜的迪士尼

今日係同day去迪士尼樂園o既大日子﹗呢個日子期待已久了﹗我o地決定要去迪士尼o既時候,day仲未畢業﹗因為去迪士尼貴嘛~當時決定,day賺錢後就去,不過呢幾個月o黎大家都好忙碌,一直未搵到日子去呢~

奇妙旅程由地鐵迪士尼綫開始~

揀呢個時候去迪士尼有個原因就係,而家係萬聖節特色o既迪士尼﹗(本身係想係夏日特色o個陣去…不過拖到而家先有時間呢~)周圍都有靚靚o既萬聖節佈置呀~今日帶o左腳架去,可以同day影好多合照,實在太好了~

一入園內就見到米奇米妮同大家合照了,但太長龍﹗時間花費唔來~唯有影人o地影啦~

先去tomorrowland,一入到去先玩幽靈版o既space mountain,雖然唔係第一次玩,但依然感覺好爽﹗再玩埋巴斯光年﹗雖然day玩到o既分數係我o既一倍,但大家最後咪又係同一個grade,呵呵~

係tomorrowland碰到「太空米奇」,同佢合照之餘,佢仲同我擦擦鼻子添呀~

過去adventureland,碰到唔少迪士尼壞人,可以同佢o地合照,但呢隻鬼好溫柔呢~一D都唔嚇人﹗

排隊玩叢林歷險之旅時,見到有呢個「小遊行」啊~係D「土人」~都幾熱鬧o架~

上完泰山樹屋之後就搭船去探險咯~

離開adventureland時碰到阿拉丁o既壞蛋﹗佢真係好不可一世﹗非常冷酷的﹗嚇到排我o地前面o個個小妹喊o左出o黎呀,好有趣~

打算去午飯啦,但見到米奇幻想曲快要開show咯,睇埋先啦~我不嬲都好喜愛呢D 3D、4D o既遊戲~

午餐揀o左日式的,呢個冷麵幾好味~

上次同屋企人o黎時miss o左呢個獅子王慶典呀,今次終於睇到了﹗真係好華麗o既歌舞啊~

令人充滿童真o既咖啡杯﹗

下一個節目係睇下午o既巡遊,搵個靚位先~我終於如願以償了﹗買到可愛o既耳朵~覺得入樂園玩一定要戴耳朵的﹗但頭箍o個種太貴了,而且size好似好細咁,呢D頭夾的就適合不過啦~遊行o既內容同上次o黎時一樣,都係咁熱鬧同埋多彩多姿~

米奇金獎音樂劇,回顧唔少電影入面o既經典場面~又係華麗熱鬧o既歌舞表演,讚呀~

第一次睇會面史迪仔咋﹗呢個show好good~我o地同螢光幕入面o既史迪仔傾計,佢好幽默啊~雖然睇o左普通話show,但都冇妨礙我o地o既興緻﹗大家都開懷大笑~

趁仲有D時間先夠鐘食dinner,去o左學畫畫﹗我都係第一次參加呢個咋~今日學畫jack﹗都唔難丫~幅畫要拎番屋企貼堂﹗

晚餐去o左美國小鎮大街o既餐廳食,要o左萬聖節set,有巫婆西蘭花忌廉湯、南瓜雞肉飯,同埋呢個蜘蛛朱古力慕絲~全部呢,外型恐怖得o黎好美味﹗

有別於平時o既迪士尼,萬聖節時多o左一個晚間巡遊,係恐怖主題的~由jack領航﹗

最後當然以煙花作結啦~day新相機+腳架+煙花mode=靚靚煙花相﹗以前都未試過影煙花影得咁靚呢~簡直就似係迪士尼網頁度download落o黎呀~

今日非常好,多謝day陪我咁好o既一日~

Comments

comments

14 關於 “21-10-2007:甜蜜的迪士尼” 的評論

  1. 好開心既一日呀~~
    原來香港迪士尼都有自己既特色架喎!! 我以為香港會同其他迪士尼一樣添
    成個迪士尼都好有halloween既氣氛咁喎!! 好似香港仲有氣氛過英國咁呀!!唔知點解英國真係冇乜節日氣氛~
    d煙花好靚呀!! 唔知係咪有迪士尼castle做背景呢, 好似特別靚咁呀

  2. Re uHnsUi:
    係呀~想同day一齊去迪士尼好耐lu~
    halloween o既氣氛…呢幾年香港人都好鍾意參加呢D活動呢~年青人都鍾意扮鬼扮馬+刺激o既玩意﹗不過海洋公園o既哈囉喂搞o左咁多年,我一次都未去過呢,怕怕入鬼屋﹗又會咁o既?反而英國仲冇氣氛?咁小朋友拍門口問人拎糖果o個D其實而家仲有冇o架?
    唔﹗係個城堡上空o既煙花真係浪漫好多呢~

  3. Re cindy:
    你而家係…哎吔吔…medicine block﹗恐怕可以去玩o既機會微DD lu~加油讀medicine呀﹗

  4. 我都好怕入鬼屋, 上次去warwick castle個鬼屋嚇到我死死吓. 入面係d真人扮鬼呀嘛, 咁d真人又係鬼佬喎, d鬼又起castle入面講鬼故喎, d 樓梯呀, 牆呀, 全部都有幾百年歷史架嘛, 真係俾佢嚇死!!
    其他地方我就唔知, 但英國我住0個個town 就好少細路出街敲人門拎糖食架喇, 因為夜晚危險, 好多大人都唔俾小朋友出去拎糖食架

  5. d 相真的不錯!!~ 只是有d暗!!! 很好很好!!! 我都覺得很開心!!~ 很好時反而是看的會比玩的高興!! 除了巴思光年之外!! 因為有得自己control 個座位方向!!!

  6. Re uHnsUi:
    係o羅係o羅﹗人扮鬼o個D鬼屋最恐怖,尤其如果佢o地好積極,好敬業樂業的話﹗怕怕~
    原來拍門討糖果o既習俗已經成為歷史了…

  7. Re day:
    D相大部份好靚呀~原來canon相機都ok o既~唔係淨係sony好~呵呵~
    睇o既玩o既我全部都鍾意﹗

  8. Re家姐:
    哈哈,似乎係你想話俾我D blog友聽喎~怕鬼屋o既經歷,由2001年o既夏天開始…
    話說當年同家姐一齊去澳洲讀D英文o既summer course,weekend時去到gold coast o既dream world玩,o個陣o岩o岩上緊電影「the mummy returns」,所以應景就set up o左一個臨時o既鬼屋﹗我o地一行六人行入去,一個男生排第一,有個女生排第二,我第三﹗行行下忽然有隻鬼走出o黎嚇我o地,個男生俾佢嚇到向後跌低,壓o左落去排第二o既女生度,於時佢又壓落o黎我到﹗鼻子痛痛的,用手係鼻下面一抹,血呀~我行鬼屋搞到流鼻血﹗簡直係經典~
    其實之後一D都唔恐怖o既,因為o個隻鬼陪o左我係緊急出口度出o左去,好溫柔的問我:「are you okay?」跟住佢先入番去繼續嚇人~無論關唔關呢件事都好,我都係好怕入鬼屋呀~

  9. 所以你今次都無去鬼屋?? 我有去呀~~都幾好玩呀~~不太嚇人~~ 而且有我哥哥兼職扮鬼~~ 我都好鐘意史迪仔個show 上次去都要再看一次~~
    啲煙花相真的好靚呢~~~ 係咩新相機??

  10. Re mandy:
    我本身都有諗住鼓起勇氣入去o既~但真係好多人排隊﹗要排45分鐘﹗咁樣玩其他o野o既機會就會減低了~二來我同day都唔太熱衷嘛,所以冇入去都唔可惜o既~
    你哥哥兼職扮鬼?﹗
    史迪仔個show D把戲會唔會次次差唔多o架?
    canon o既數碼相機之嘛,我唔知咩型號喎,總之唔係o個D睇落好pro o個種啦,不過都唔算100%傻瓜機o既,因為可以手動模式,雖然部機大部少少,但都幾實用,function唔錯﹗

發表迴響

你的電子郵件位址並不會被公開。 必要欄位標記為 *