11-8-2007:容祖兒x草蜢拉闊

出發去沖繩倒數5日

節目豐富o既假期第二日﹗因為surgery rotation o既briefing 1:00pm開始,所以約o左女生們去食lunch,之前就番一番金風執番D要番去屯門用o既東東啦~但因為mi-mi-mo-mo,所以遲o左去到食飯o既地方添﹗食o左久違了o既fresh & fresh﹗connie仲補送o左生日禮物俾我添呀~heehee,又食又拎

就係呢個青蛙鎖匙扣了﹗係我最鍾意o既呱同埋毛絨絨,多謝你呀connie~另外仲有一個印仔,不過冇影到出o黎~

1:00pm o既briefing好在冇留我o地好耐,準時放學﹗

約day見見面,都係決定窩係屋企睇下戲,租o左「魔盜王」番o黎睇,係呀,人o地戲院上完第三集啦,我而家先睇第一集﹗因為之前見海盜呀甚麼o個D好似唔係好吸引咁,係connie特別推介,話比較似D冒險o既故事,我先至想睇o羅~好好睇喎~故事緊張刺激又夠緊湊﹗男、女主角都靚靚,好好睇~

套戲都幾長呀,睇完都差唔多時候出門口lu,今晚同家姐去睇「拉闊容祖兒x草蜢演唱會」,yeah~期待以久﹗

出門口時係屋企樓下見到超大隻蝸牛﹗嚇死我了

我o地先去機場新翼o既翔天廊食dinner~

我都係第一次去咋,o個度有好大o既food court﹗我o地決定食泰國菜o個間,叫o左一個炒飯同埋一個炒河﹗哇,咁都撞到helen同埋大怪獸﹗雖然我都知道佢o地都會去睇呢場concert,但大家竟然不約而同都去翔天廊食dinner呢~吱喳一番﹗

做下遊客先~見到靚靚o既M&M’s都要影下相﹗

第一次坐機鐵﹗係呀,演唱會場地係遙遠o既亞洲博覽館﹗搭機鐵呢度好詭異o架,我o地冇入過閘,忽然就已經行到去月台了﹗我同家姐講,我o地會唔會miss o左一個嘟入站o既機o架?好似輕鐵咁,冇o野攔住…係o既就si-cal-cal了,搭霸王車乎?原來,落車時出閘先嘟就ok了~

我o地就係睇呢場concert啦~

一路行過去場館時見到o既電視機show o左張poster~

入到去場館只影o左兩張相咋,原來o個度唔准影相…第一張係呢張,未開場時影o既觀眾席…

開show lu~容祖兒o既聲底+唱功真係無懈可擊,無論唱自己o既歌定係人o地o既歌都係咁好聽﹗草蜢嘛,原來觀眾對草蜢o既熱情係超高漲﹗佢o地唱D經典跳舞歌曲時觀眾都超興奮,呢個時候我就發現原來我唔係屬於同一個年代…係幾好睇o既,但又唔會令我好興奮咁o羅~不過去到演唱會o既後半部,全部都係快歌跳舞歌,所以全場都企晒起身跳+唱+叫了﹗我o地都唔例外﹗

另一張相係…散場時影﹗呢個時候已經冇人阻止了…我今次都坐得好前o架,因為換o左最貴o個種飛,你對一對呢張相同埋頭先o個張相就大約知道我坐係邊,同埋距離個台有幾近了

雖然有巴士直接番到屯門,但番到屋企時都好累好累了~

Comments

comments

在《11-8-2007:容祖兒x草蜢拉闊》中有 4 則留言

  1. 我去過機場新翼嘅food court,不過就未去過亞洲博覽館…睇嚟個場都幾大咁wor~

  2. 哎呀~ 忘記咗問添~ 你幾時生日呀? 祝你生日快樂,一日靚過一日,一年叻過一年啦~!

  3. 真的幾可愛啊!!~ 都幾好看~ 不過結尾一般!!~ 有d撻皮! 你在blog 講見到他二人,怕唔怕呀?! 你影相的位是你坐的位麼?!~

  4. Re day: 是呀~好鍾意﹗ 是麼?我都覺得完結得幾完整丫~ 唔怕唔怕﹗佢o地又唔係有o野,佢o地不嬲都friend friend o架啦~ 係呀~

發表迴響

你的電子郵件位址並不會被公開。 必要欄位標記為 *