31-3-2007 (下):Zarahn bandshow

時間尚早,係main campus溫陣書先去食飯+睇band show~夢寐以求的係starbucks一邊飲咖啡一邊溫書~

露天o既位置有好多麻雀o架,曾經一度有一隻同我好近,但o個陣未拎得切個相機出o黎呢~

我今日飲o左好邪惡o既iced mocha,仲買o左包餅餅添~後面o既係neuro notes,咪就係W Mak o既generalized muscle weakness o羅~

其實HKU o既starbucks o既環境真係幾好,我雖然鍾意坐梳化位,但更鍾意坐外面o既露天位~

大約五點幾番去金風等day過o黎,其間接到stanley o既電話,哎吔,你要cheer up呀﹗一直同你打氣﹗今日發覺應該帶埋你去睇zarahn band show,因為大叫一番之後心情應該會暢快得多﹗下次一齊去~(講緊呢個電話其間day o既電話入線,原來佢想話我知已經有人係band show場地外面排緊隊,當時距離開場仲有兩個鐘﹗佢o地都係想企個好位o羅,因為呢場show不設劃位,全部企位﹗)

mi-mo o左好耐先去食飯添…去o左巴依餐廳,呢間話係新疆菜喎~我都係第二次去咋,同第一次o岩o岩開張時唔係太同,叫o左牛腩麵(牛腩幾腍,但麵o既湯底冇乜味o羅~)、土匪雞翼(聽到個名就高興了,其實係用孜然調味o既雞翼~)、金菇牛肉卷餅(有冇記錯個名?),普通啦,又唔係話好味到叫人一去再去咁o羅,但要去又可以去下o既~

等巴士過去band show場地時都晏晏地,好去到時仲未夠鐘,今次係堅道明愛社區會堂搞呀,好似一個比較弱雞o既場地,但佢o地有準備好o既音響,所都冇乜問題,冷氣夠涼,即使係咁跳係咁歡呼大叫大嚷都唔熱,而且場地細細地,氣氛更好~

等開場﹗我o地遲入場,所以企o既位都後後地啦~

未開場時見到薛凱琪係上層出現﹗同佢握手o既係邊個?係一個中年女人,恐怕係幾個晒冷仔之中其中一人o既媽媽o黎o架,上面有兩對中年夫婦係度睇show,而佢晒冷仔多謝父母時就向上面望o羅~

出場lu出場lu~~~~~~~~~~~~今次佢o地首先作校服look出場﹗用少少搖滾小學同埋舉o黎做intro,開始今晚o既演出,一開始先o黎幾首「周生」o既歌先~

呢張算係全晚影得最好o既相了

唔,全晚o既氣氛嘛,大部分時間輕鬆,有少少搞笑(佢o地之間,同埋同觀眾o既interaction﹗),有少少澎湃,有少少憤怒(我係指歌曲呀~),但由頭到尾都睇得叫人高興~

佢o地摷o左D陳年片段同大家分享,有遠古至1995年o既video呀﹗當年o既jerry仲未變聲,實在太有趣了,而佢o地大個D o既幾個梳o既髮型係郭富城當年中間分界o個type﹗當年佢o地o既感情已經好好了﹗

中間好難得的唱o左「十四天」,係endy當年o既第一首派台作品,但唱o既竟然係jerry﹗原來呢首歌o既歌詞係講佢o既故事o架,我都係今日先知~jerry唱歌,咁邊個打鼓?﹗原來高佬打鼓都打得唔錯喎

今晚o既嘉賓係薛凱琪呀~佢唱o左一首「dear fiona」,哇,有zarahn o既伴奏,係唔同D呢,哈﹗睇下張相,莫非fiona都識彈結他乎?

呵,原來淨係得個柄

今次主要都係唱「十二優」入面o既歌曲,但佢o地編o左好多柔和D o既新version呀,叫做「acoustic版」,我聽到「迷戀」同埋「天使」o既acoustic版本時真係要讚歎佢o地係genius﹗因為由呢D咁rock咁pop o既歌,可以變成一首係jazz、一首係bossa nova,實在太太太厲害了﹗變o左呢D比較隨和o既編曲,我諗好多普羅大眾都會更鍾意~

換o左第二套衫出o黎,一見endy件背心就覺得,做乜扮rain?哈﹗高佬件tee好恐怖呀,係米奇老鼠骷髏骨頭﹗

後來俾觀眾們逼o左佢o地除衫添,光脫脫咁夾band

好睇o既show都有完結o既一刻…謝幕lu~五個人之中有三個光脫脫﹗(註:zarahn應該係四個成員,最左邊o既係yemon,係佢o地邀請幫手o既電子琴手;同大家介紹一下,zarahn成員由右邊數起,最右邊係彈bass o既joey、右二係主音+結他手endy,即是大家所熟悉o既周國賢、右三係鼓手jerry,佢係joey o既親細佬o黎o架、右四係結他手高佬﹗)

大概10:15pm左右散場啦~走時都見到其他有去睇show o既artist,有sun boy’z o既william,又見到EO2 o既成員﹗方大同嘛,入場時就見到﹗

番企都好累lu~

今日o既入場券﹗既然番到屋企,就用周國賢o既poster做背景啦,yeah

睇band show附送o既CD﹗頭先一路o岩o岩聽o左隻碟兩次﹗全新編曲,好good呀﹗全部都好有新鮮感﹗特別鍾意「迷戀」

Comments

comments

在《31-3-2007 (下):Zarahn bandshow》中有 9 則留言

  1. rita~~~ 唔怕話你知~~ 我第一日5點幾先去排隊~~~ 但係已經可以排頭15~~ 第二日…我4點已經去到了~~~ 但係排既位已經比第一日後了…. 聽說排頭位的人…11點幾已經去到了 = =! 超勁!!! 呵呵呵~~~reli好開心呀~~~

  2. 巴依餐廳多左咁多新野食既? zarahn既謝幕照因為有好多相機遮住重要部位…所以好似全裸咁..haha…

  3. 史丹尼~ 加油丫!!!! 拍掌鼓勵下先!!~ 或許有天我會自己去再食~ 哈哈哈 個show 很好part 都很好啦!!~ 仍舊是d 音樂太勁勁!!~ 不過是風格吧!! 事實上脫衣的時間太長~ 可唱多首歌了!!!!

  4. Re YY: 犀利咯,企到第一排﹗我都好想呀~但冇咁o既年青幹勁咁早去排,同埋我都唔得閒,所以夠鐘先去到咋~ 好開心好開心好開心 ~~~~~~~~~~~~~~~~~~

  5. Re家姐: 係呀,餐牌豐富o左好多,但冇o左最初食過o既牛肉餡餅呢,o個個都幾好味o架,又多汁喎~ 哈,我都冇留意過似唔似全裸喎,聽你講先見,哈哈~~~~~~~~~~~~

  6. Re day: 可惜stanley都唔係時時上o黎睇我個blog blog呢~ 咩喎~你都冇乜機會自己去食啦,你去得o個頭,唔係去搵我仲有咩呢?算啦,你冇機會o架啦~ 係風格﹗所以新o既acoustic version可能比較適合你吧~好鍾意zarahn ﹗ 「事實上脫衣的時間太長~ 可唱多首歌了!!!!」 –>見到你呢句時真係爆笑 ﹗講得又好o岩喎,我都唔係特別恨睇佢o地光脫脫,佢o地又唔係大隻男喎~不過嘛,掀起一個高潮都係好事o既,大家因此而咁興奮都值得﹗

  7. 我見你打話佢地脫到光脫脫,等我仲以為真係... 原來係角度問題咋...

  8. Re小姑娘: 唔係﹗唔係﹗唔好誤會﹗哈~只係我鍾意用「光脫脫」呢個term o者~heehee~否則呢個band show就變成PG了﹗

發表迴響

你的電子郵件位址並不會被公開。 必要欄位標記為 *