7-1-2007:公益金百萬行

今日係人生第一次參加公益金百萬行﹗以前真係未參加過o架~因為爸媽要代表學校去行,咁我咪問可唔可以跟埋一齊去咁話o羅~咁梗係ok啦~

但今朝要8:30am就係香港大球場集合﹗好早啊~尋晚去海洋公園好夜先走,所以番o左金風瞓,咁都好少少~可以遲少少起身~

到o左lu~首先要參加開幕典禮﹗

我o地坐係個台o既正對面﹗好遠呀~見到對面有一排紅色o野嗎?係旗海一片﹗爸話都幾壯觀…但…後來呢D旗海成為阻住視線o既關鍵,真係oh oh no~我o地行過去大球場集合時聽到後面有兩個男人係度討論,話會有明星睇喎~其中一個話係黎明,因為年年都係佢,咁我就深信係黎明啦,原來係:容–祖–兒–呀﹗不過都冇唱歌o架,只係say句hi,同大家做做熱身咁o架咋~因為太遠,所以樣都見唔到﹗

出發lu~結果都要搞到十點幾先離開大球場呢~今行o既,係由大球場出發,沿黃泥涌峽道入香港仔郊野公園,終點係香港仔田灣﹗呢個view算見到少人lu~多起人上o黎真係「接踵摩肩」(記唔記得下一句係咩?),蟻行﹗

沿路可以見到南區o既景色o架~

yeah yeah yeah~頭15000到達o既參加者可以得到麥當勞o既巨無霸券﹗我o地拎到呀~

到達終點仲有D小丑娛賓﹗

完成整個行程o既證據﹗不過呢,其實條路都唔係好長咋,我o地行o左兩個幾鐘之嘛~況且有部份路係蟻行o既~

出番去香港仔食lunch之後就搭970、962番屋企lu,係車上我o地三個都呼呼大睡

一番到屋企又即刻出門口去supermarket買o野啦~我都好熱烈,因為打算下下廚﹗揀好食譜lu,係馬來西亞新買o個本食譜o既菜式,一個甘筍湯、香橙撻同埋煮蕃薯,呢本食譜o既特色係,所有菜式都會用D citrus fruit o架,咁o岩呢三個菜式都係用橙~

因為時間有限,即刻整個撻先,一切都尚算順利,個撻o既東東安頓好之後就開始整其餘兩個,oops﹗睇食譜睇得唔清楚,原來其餘o個兩個都幾花時間o架~蕃薯要焗一個鐘,湯要煲40分鐘﹗點算好?﹗因為day難得上o黎食飯,但我o地又要早食,因為食完要趕去8:00pm彌撒喎~哎吔吔~結果放棄o左個湯先,拿拿聲焗好個蕃薯就邊食飯先邊繼續焗個撻,弊弊弊﹗焗燶o左呀~~~~~~~~~~~~~~~~~~~~~~忙o左成個下晝得個吉﹗最慘係day上到o黎都冇乜好o野食~實在太遺憾了~

彌撒係小聖堂舉行咋,有一家四口坐係我o地前面,兩個細路勁頑皮o羅~~~~~~~~激死我了﹗好嘈,好騷擾,但個阿媽又唔係點鬧D細路o羅~唔通阿媽唔教我o地呢D旁人嘈生晒咩~所以後半個彌撒都唔太能夠專心~

爸買o左公教報,原來上次我寫o左投稿o個篇文登o左出o黎呀~~~~~~~~~~~~~~~~實在太令人高興了﹗雖然遲o左少少,但都唔錯丫~

完成埋個湯,好在最後都有一樣成功o者…唔係真係10個慘﹗胡暐,再接再厲呀﹗

Comments

comments

在《7-1-2007:公益金百萬行》中有 6 則留言

  1. 蟻行是因為要: 公益金百萬行,手牽手向前行!!~~ 為何要娛賓?!~ so 搞笑! 唔!~ 今天下午辛苦啦~ 總叫完成了二項!! 很好啦!~ 下次看完食譜才整o羅~ 恭喜!!! 我找找網上dfree domin name 先~

  2. 之前唔係好上到網,後來網絡正常返我又忙住帶camp.. 到我得閒返再黎到呢度… 發現…oops!好多好長!! 經過努力一番,終於看完了~~ 旅行啲相好靚呀~~~好relax的感覺~~好有衝動我又去~~~ 嗰啲"後補"…補咗之後記得提醒我去睇呀~~

  3. Re day: 一講公益金百萬行我都係諗起呢首歌呢~ 製造喜氣洋洋o既氣氛嘛~ ok啦…我覺得得個吉咋~唔夠好食﹗可能係對自己要求高吧﹗ 要啊~

  4. Re mandy: 歡迎你回來~以後要繼續多D上o黎呀~ 我好用心咁揀o個D相o架,要有代表性得o黎又要夠靚喎~hee~遲D俾你睇埋其他o架丫~ 先提提你,我寫好1月6號o既diary了,o個日係去海洋公園o架,不妨睇睇﹗

  5. 嘩… 文章上報真厲害… 不過張相影出黎D字比較細, 睇得好辛苦呢…

  6. Re kelvin: 哦,其實只係天主教o既報紙o者,讀者都只係係香港睇中文o既天主教徒~(點解咁強調係「睇中文」呢?因為香港都有一部份天主教徒係菲傭們,我o地都有英文報紙o架~)呢份報紙叫做「公教報」,每星期出一次~咁因為我o個個會都有好長歷史啦,同埋都有一定知名度,所以寫o左基本上都會登o既~都唔係咩勁勁事… 咁俾面睇D內容?﹗﹗thanks~~~~~~~~~~~~heehee,如果你真係有興趣o既,俾個正本你睇又點話丫?

Rita 發表迴響 取消回覆

你的電子郵件位址並不會被公開。 必要欄位標記為 *