一家三口遊東京 – 序

未有逸逸之前,我們一年會去幾次旅行,就算懷孕之後,也去過馬來西亞、台灣、澳門以及韓國,所以逸逸出世之前,我已經開始期待住今次旅行了。

旅行的目的地方面,除了開初興起過去澳洲自駕之外,後來都好確定想去日本,本來諗過如果可以同埋爸爸媽媽和妹妹一家一起去的話就想去四國,因為個度有個我和妹妹以前係澳洲上summer school認識的朋友,後來確認妹妹一家不能同行之後,就打算跟爸爸媽媽去東京+輕井澤,結果又因爲大家的schedule就唔到,只有我們一家三口的話還是簡單一點只去東京吧!

起初自己上網搵機票,為了就陳瑞芝校友日及七姨一家回港的Gathering ,用到盡去六日又要時間合適的話,機票價錢都好貴下,國泰淨機票要8千幾,香港航空上網看只有零晨機不合我們要求,我又唔想帶住bb坐廉航無service又要逐樣計錢,後來找了菊姨check價錢,如果只去5日有團票,香港航空淨機票連稅不用$2000,而且時間跟國泰的差不多,Deal!反而逸逸張嬰兒票因爲是正價票10%,連稅也要$1400。最後透過菊姨訂埋酒店,一家三口東京五日機票連酒店只是一萬鬆少少,抵。

原本以為帶BB同行要帶很多行李,結果又唔係,一個大喼放晒我們的行李,還有空位放Shopping的戰利品,當然我們有多帶兩個旅行袋以備不時之需。藥物方面,我們也特地替逸逸去醫生度取平安藥,安心一點。

逸逸已經加2固,最近發現了有港式口味BB即食粥,簡單方面,相信無咁易食厭,至於其他時間只要埋身食媽媽奶,當初咁堅持要逸逸學埋身唔做全泵媽都是為了方便去旅行,非常開心。