笑話一則 — BY三姨媽

Posted on 2012-01-21 由 Catherine

今年跟婆婆舅父阿姨及一眾表兄弟姊妹在鰂魚涌嘉里中心的富嘉閣吃團年飯。

席間，大家談論到唐英年的車毀人亡論，講下講下就講到最先拋出”車毀人亡”這個概念的陳佐洱。為了確定始作俑者是陳佐洱，.大家就想透過網上資訊確認一下。表弟負責立即上網：

表弟問：陳佐洱是哪一個”佐”?

三姨媽答：GEORGE個佐，G…E…O…R…

講完之後仲要串埋俾佢聽，”GEOR”四個字母真係可以同個”佐”字扯上關係？ WAKAKA…

P.S. 富嘉閣的食物水準很好，特別是那豉油雞，平日最多只會食一件半件雞的我，竟然食了三件，真係好好食﹗

這才是年三十晚~

Posted on 2010-02-15 由 Catherine

自認識恆仔之後，第一年跟他一起過年三十晚。

在尖沙嘴跟老爺奶奶及親戚們吃過團年飯，還要去逛逛花市。

在花市跟人迫下迫下

乾貨不一定要買，但總要買點鮮花點綴一下家居繼續閱讀 →

Posted on 2010-02-13 由 Catherine

病了半個月，起初有點喉嚨痛，打算食碗龜岭膏就搞掂，結果後尾變埋咳，還要越咳越嚴重，已經睇了第三次醫生，如果食埋今次藥都未好，過年就要靠阿妹之後開定俾我地既咳藥水送年糕了…

由1月31日開始，已經分別跟胡家、鍾家、回娘家、跟老闆以及青衣同事吃了團年飯，今晚到老爺奶奶家將會吃牛年的第六餐團年飯。
有一晚跟同事去了三聖食海鮮，由不同的人發板果然吃到不同款色的海鮮，今次吃了一隻超巨羔蟹，淨係蟹蓋的SIZE也有我兩隻手掌咁大。
花了兩個WHOLE DAY在家大掃除，其中一天都是在洗廚房。再次奉勸各位如果裝修廚房，千祈唔好用白色，如果唔係下場就會好似我咁–做到隻積咁既樣。亦因此，我洗完廚房之後，雖然離年初一還有一個星期，但廚房提早收爐，不准開火，整整一個星期只准使用微波爐以及叫外賣。
有一晚睇東張西望，介紹利是封展覽，第二天回到公司跟同事分享，結果超老土的被同事告知：”利是封展覽咪就係青衣城囉﹗”
有同事在公司養了缸魚，有時都要幫手餵下魚，對於養魚，開始由一竅不通漸漸變為略知一二。