為了儲齊一套六隻麥當奴可口可樂FIFA杯，連續三個星期四晚都去了麥當奴吃晚飯。

原來，如此有規律的每星期去同一個地方吃晚飯，感覺竟然不錯呢﹗

令人懷念的巨無霸急口令又再重出江湖：

小時候覺得巨無霸有點遙不可及，一個小小的女孩怎可吃得完SIZE如此龐大的”巨無霸”呢？雙層牛肉+三片麵包喎…

跟恆仔拍拖之後，由於他很喜歡吃巨無霸，我才發覺，原來巨無霸的真實SIZE，從來都沒有我想像中那麼巨…

• 差不多半個月沒有寫BLOG，當中發生很多大事小事…繼找師傅補鐘之後，好快就買了車，當中既故事都幾有趣，詳見下一篇BLOG；
• 試了麥當奴的晚間$20和風芥末魚柳飽，味道幾清新，不過我還是最愛那用來醮薯塊的法式蜜糖芥末醬

• 病了半個月，起初有點喉嚨痛，打算食碗龜岭膏就搞掂，結果後尾變埋咳，還要越咳越嚴重，已經睇了第三次醫生，如果食埋今次藥都未好，過年就要靠阿妹之後開定俾我地既咳藥水送年糕了…

• 由1月31日開始，已經分別跟胡家、鍾家、回娘家、跟老闆以及青衣同事吃了團年飯，今晚到老爺奶奶家將會吃牛年的第六餐團年飯。
• 有一晚跟同事去了三聖食海鮮，由不同的人發板果然吃到不同款色的海鮮，今次吃了一隻超巨羔蟹，淨係蟹蓋的SIZE也有我兩隻手掌咁大。
• 花了兩個WHOLE DAY在家大掃除，其中一天都是在洗廚房。再次奉勸各位如果裝修廚房，千祈唔好用白色，如果唔係下場就會好似我咁–做到隻積咁既樣。亦因此，我洗完廚房之後，雖然離年初一還有一個星期，但廚房提早收爐，不准開火，整整一個星期只准使用微波爐以及叫外賣。
• 有一晚睇東張西望，介紹利是封展覽，第二天回到公司跟同事分享，結果超老土的被同事告知：”利是封展覽咪就係青衣城囉﹗”
• 有同事在公司養了缸魚，有時都要幫手餵下魚，對於養魚，開始由一竅不通漸漸變為略知一二。

• 今年仲未去行花市，唔知今晚有無時間去呢？