自從3月的時候我自己參加左DISNEY RUN之後，逸逸又話好想一齊跑，上網搵到依個SNOOPY RUN，入面有一個1KM障礙跑家庭組的CATERGORY，啱晒未跑過長途的逸逸，於是就報名參加等佢試下。報名後同妹妹講起，佢都好有興趣，於是兩家人就一齊熱熱鬧鬧的參加了這個活動。
依個係今次1公里障礙跑的路線圖，一早已經可以係網頁睇到，不過點樣障礙法都係去到現場先知，原來係各式各樣的吹氣彈床。
SNOOPY RUN在科學園舉行，1KM障礙跑分四個時段進行，分別是10:00AM、10:30AM、11:00AM以及11:30AM，領取選手包的時候已經揀定，我們不願早起梗係揀咗11:30AM喇~
今次係逸逸第一次參加跑步比賽，為咗配合返主題，我地特登帶埋查查一齊嚟跑。
我地同阿妹一家隔池相遇了
我地都去上線區先
起步點
賽前大合照，恆仔今次做攝影師。
三個小朋友，ARE YOU READY?
ALL LADIES ARE READY!!! YEAH~
出發喇~雖然我地的起跑時係11:30AM-11:59AM，不過原來提早出發都無問題，我地11:15AM就去預備上線了。
因為佢分起跑時間之餘，仲係要分組出發~
因為務求每個人都可以影到靚靚起跑相嘛~不過講到要搵大會活動相，真係DISNEY RUN方便好多，只要輸入自己的參賽號碼就可以搵到晒啲相出來，唔駛逐張搵。但係輸入號碼都未夠先進，剛聽BRIEFING嚟緊公司FUNCTION的攝影安排，只要輸入自己的相片去SEARCH就可以搵返自己了。
一起步逸逸就當跑100米咁係咁衝，結果瞬間就無晒力~
第一個障礙物原來要爬高，1月的時候先至玩過JUMPTOPIA，爬上SIR落無限LOOP，所以依個障礙對於小朋友來說完全無難度。不過對於隨行攝影師的我來說，一隻手要拎電話，一隻手拎住查查，仲要爬高，都幾狼狽。
SIR落去好過癮
下一個障礙物係捐窿窿
我一心要影低逸逸的每一刻，所以係後面影完佢捐入去之後，我就係隔離個窿出盡力全速向前爬行。
睇下我幾狼狽？爬返起身之後仲要影唔切逸逸捐出嚟的時刻，依啲玩意大人真係唔夠小朋友靈活。
繼續努力向前跑
太累慢慢行都無問題
阿DAY同我一樣都係隨行攝影師，沿路幫我地影相。
下一個障礙係彈彈波，賽道非常擠塞，差啲追唔住逸逸。
最後一個障礙物就係依個真正阻礙前進的充氣彈床，玩依個累過跑步好多。
加油﹗就快完成喇~
預備衝線
靚靚獎牌
其實對於我嚟講1KM真係好似未開跑就完咁，唔到喉唔到肺，真係好想有時間再練下跑，試下跑場10KM。
不過小朋友已經疲態盡顯，不過比起累，應該天氣悶熱令她們更加辛苦。
SNOOPY錫錫
我地其實排緊隊係大會BACKDROP前影相，本來仲見到可以同SNOOPY合照，點知排到差唔多到SNOOPY就走了，唯有趕緊幫小朋友同SNOOPY遠距離合照。
大合照
跟住我地去後面玩攤位逌戲，禮物全部都係抗皺精華。
我地去咗試玩戰繩，真係好重架，小朋友拎得起已經好厲害。
玩完戰繩之後攤位已經開始截龍，在苦苦哀求之下先可以玩多一個遊戲。
就係接磁石柱，絕對係需要眼明手快，很有難度。
不過無論你成功失敗，都會送你幾支抗皺精華，我地只係玩咗兩個攤位，都拎咗海量的抗皺精華返屋企，哈哈~
攤位收擋我地就去吃午餐，我地建議去上次食過覺得唔錯的HUNKY DORY，本來逸逸仲好掛住外面個草地，話要同曉曉詩詩跑草地，點知都未去到餐廳就開始落傾盆大雨了。
美味的午餐
因為太大雨的關係，只有一把傘的我們只好由我持傘去停車場去取車，再返餐廳的BUILDING接兩父女返屋企。