去得泰國就梗係為咗玩水，雖然我地在曼谷的行程只有一日，我地也要預留游水的時間，來一個2023年下水禮。
酒店泳池在20樓，雖然泳池唔算好大，不過游水的人也不多，游得好舒服。
今次沒有帶防水相機，而是用防水袋裝住手機，不過始終未對個防水袋好信任，唔係咁夠擔放I-PHONE入去，所以拎咗個舊電話出嚟用。
睇下逸逸瞓水幾嘆
心心
踢水踢到癲咗~雖然我係比之前瘦咗唔少，不過一著BIKINI肚腩啲肉就現晒型。
當年就快兩歲時係泰國游水都係咁樣係水面飛，依家6歲半仲飛得起~
成日好驚隻眼入水的溫和版跳水
游完水沖好涼拎係酒店房入面的秘密基地。
出發去吃午餐，唔知點解我們酒店依區周圍都係印度餐廳，帶住超級偏食的逸逸真係有啲頭痛。
好彩最後搵到一間舖頭有得食湯粉，不過舖頭名+餐牌都係全泰文，點餐都係看圖片，幾好食都無辦法介紹到俾大家。
我同逸逸食魚蛋粉，恆仔食豬手粉，我想講個豬手真係超級美味，可惜竟然無影到相。
依間舖頭另一個角落有個三餸飯車仔檔，無標價亦唔知係咩食物，平日我係唔會夠膽試；今次唔知點解突然咁有勇氣，走咗去檔仔點咗三個餸配飯。
我揀咗青瓜唔知乜豆炒魷魚以及蒜香肉片
另外揀咗依個椰汁咖喱肉片
食物雖然唔熱，但係好惹味，而且唔算太辣，超級好送飯，我同恆仔食完自己碗粉之後都可以成碟飯清晒。不過因為餐廳無冷氣，本來食粉還可以，食完依碟飯之後成身出晒汗。
我拎碟飯返枱時恆仔問我碟飯幾多錢，我話唔知呀，睇返湯粉的價錢作比較，應該貴極都有限。總之三碗粉+一碟飯+一罐啤酒+一罐汽水最後400Baht埋單，抵食。
隔離有椰青賣，只要50Baht，我地拎返酒店慢慢嘆。
明天就是泰國的新年，我們再次出發時在LOBBY預上傳統舞表演。看動作和道具應該和潑水節有關。
我仲俾人拉咗出去一齊跳舞添~
無端端有跳舞表演睇真好~