逛完科學館，恆仔忽發奇想，好想帶逸逸去太空館睇球幕電影，於是我們過去太空館買票，在這麼熱的天氣由科學館行到去太空館都算係大長征。
本來想睇《小海獅大歷險》，點知原來太空館的電影非常受歡迎，好多即日場次早已滿座，在沒有什麼選擇之下最後買了3:30PM場次的《隼鳥2號星源再覓》，其實都擔心逸逸沒有興趣。
買好票就去吃午餐，很多尖沙嘴熟悉又好想懷舊一下的餐廳都因疫情關係經已結業，最後吃了JOLLIBEE，佢個炸雞又真係幾好食。
食完午餐未夠鐘睇電影，我地去咗參觀裝修後都仲未去過的香港藝術館。我地仲係度申請埋博物館通行證，原來奇妙處處通會員竟然有九折架﹗
我地參觀咗走進巴洛克卡波迪蒙特博物館珍藏展
這是聖經入面浪子回頭的故事
沒有想過這個展覽入面以聖經為主題的畫作最血腥，有小朋友仲驚到喊添﹗
配上音樂的畫作特別有FEEL，連逸逸都話同幅畫好襯。
仲有本地藝術家的二次創作，又幾搞笑喎~
夠鐘入場去睇電影喇，我地依場都係FULL HOUSE。
逸逸係第一次瞓係度睇電影，用球幕睇太空片真係特別有氣氛。
我地今日睇《隼鳥2號 – 星源再覓》。
故事概要：
為了研究太陽系形成的過程，日本宇宙航空研究開發機構在2003年發射無人探測器「隼鳥號」，前往小行星「糸川」採集岩石樣本。儘管隼鳥號經歷嚴重損毀、機件故障及與控制中心失聯等重大事故，但最終不負所託，在2010年為人類首次成功採得小行星樣本並送回地球。
隼鳥號的勵志事跡引起大眾的關注，促成了「隼鳥2號」作為隼鳥號任務的延續。隼鳥2號秉承了前輩的目標和精神，在2014年被派往小行星「龍宮」探取樣本。這些樣本或許含有生命的基本要素 ─ 水和有機物質，能揭示地球上生命的起源。
《隼鳥2號—星源再覓》跟隨隼鳥2號飛越超過32億公里後，來到地形比預期更崎嶇不平的龍宮。面對眼前怪石嶙峋、沒有足夠空間着陸的龍宮，究竟隼鳥2號能否克服挑戰並順利把樣本帶回地球呢？
諗都無諗過逸逸異常的投入，睇電影期間一直幫隼鳥2號加油，最後講到隼鳥2號要離開去執行其他任務的時候竟然因為唔捨得而喊，仲要喊得好悽涼，真係感情豐富。
為了平復心情，我地唯有鸯逸逸去睇埋太空館入面同太空的相關展覽。
控制太空船與國際太空站對接，要成功真係好難。
躺臥神州號太空船返回艙
散步返酒店拎行李，逸逸仲係要拎住《隼鳥2號 – 星源再覓》的書仔。
今次逸逸6歲生日之旅完滿結束，好開心下次再住酒店已經可以再次衝出香港喇~