二零二二年八月十九日(星期五)
很快就來到旅程的最後一天了。
一心打算今天要吃中式早餐，結果卻被通知已經售罄，唯有繼續吃西式早餐喇~
離開酒店前玩多最後一次搖搖木橋。
再見美麗的銀礦灣，每次唔係落沙灘玩時都天郎氣清，真係激死人﹗
梅窩都玩得差唔多，所以今日決定要去天壇大佛玩下。昨日特地睇過巴士站的巴士時間表，我們大約11:20AM來到巴士站打算搭11:30AM的班次，等下等下越來越唔對路，再上網SEARCH下，原來巴士站個時間表係假的，要12:10PM先有車﹗
天氣熱到不得了，我唯有帶逸逸去麥當勞食杯雪糕消消暑。
終於上咗巴士了。
我們12:50PM來到昂坪市集，在360旅遊資訊中心寄存好行李，就開始今天的行程。
還是第一次帶逸逸來看天壇大佛
這是藥師十二神將 – 安底羅大將，是肖猴的守護神，我是這次才知道原來每個生肖都有守護神。
前往大佛的樓梯維修進行中，上唔到去大佛，唯有下次再來。我都唔記得幾多年無上過去大佛，對上一次來玩係2007年試搭昂坪360，當時去心經簡林時都無上去大佛，可能要追溯返到我做女既時代。
好靚的亭台樓閣
美美的小白花
我地向住心經簡林前進，不過天氣真係好熱，而且好多蚊，逸逸雙腳好痕，要用濕紙巾抹住先好少少。
被老樹纏的舊宿舍，好多人係度我女影相~
我好鍾意依張相，影得好靚，個背景好有層次。
逸逸最鍾意的樹
仲有靚靚花花
經過依度就諗起2009年夜闖鳳凰山，回程時落到依個位急尿到爆的情景。
仍然好有氣勢的心經簡林
周圍都係人
HELLO蝴蝶
兩隻蝴蝶係我地身邊飛來飛去，其實有點被嚇親~
天氣太熱都無乜胃口，決定隨便吃點小食當午餐。
最重要梗係嘆返碗冰凍的山水豆腐花喇~
最後係昂坪市集影下相
祝願大家都幸福和健康
好多貓貓
因為我們的行李太大上唔到纜車，唯有搭巴士返東涌，只坐過海洋公園纜車的逸逸驚訝纜車的終點竟然咁遠。
返到東涌我地坐的士回屯門，原來依家東涌返屯門係短途客，會被的士司機嫌棄的。