暑假梅窩三日遊 – DAY 2 – 雨前彩虹‧BBQ NIGHT

行完銀礦灣瀑布,恆仔話成身汗想返酒店沖涼,我見難得天氣咁好,就帶住逸逸兩母女去沙灘坐下。

咁熱梗係要食雪條同埋雪糕,透心涼~

食完冰品就開始玩下沙,我地見到有一班小朋友係沙灘玩集體遊戲,好熱鬧。後來叫埋沖完涼的恆仔落嚟沙灘一齊坐下,結果無耐就開始風雲變色,原來恆仔係帶來雨水的人。

不過亦因為天氣變化,先至有機會見到美麗的彩虹。

今晚我地計劃係酒店BBQ,不過無得訂座,唯有6PM就嚟排隊。

酒店的3小時任食自助燒烤價錢也不便宜,不過叫做出嚟玩樣樣都試下。

食物放晒係雪櫃自取,種類都算多樣化,除了一般的豬牛雞丸腸之外,仲有串燒同埋各式各樣的蔬菜。剛開始拎食物比較多人要排隊,後來就好輕鬆。

每人包一罐飲品,一個爐包一杯蜜糖以及一包紙巾。

不用自己透爐,拎好食物就可以開始燒烤了。

等食的時候逸逸就畫下畫先,今次就畫我地一家三口坐埋一齊BBQ。

每次逸逸去BBQ都係食包包食飽~

逸逸雖然唔係點食BBQ食物,但係對於幫手燒就興緻勃勃。

燒嘢食梗係要飲返罐啤酒,係酒店加購價錢都唔貴。

燒完嘢食例牌要食糖水,我地散步出去買糖水。

周圍都係牛……

逸逸愛上了這個搖搖木橋,每次經過都要玩返幾次。

今次我特地試了在7-ELEVEN的FACEBOOK看到最新在推廣的芋頭西米露,好好味喎~

Comments

comments

發表迴響

你的電子郵件位址並不會被公開。 必要欄位標記為 *