二零二三年一月一日(星期日)
來到旅程的最後一天，今天我們要很早起床，因為要搭10:10AM的航班返香港。
要提早兩個小時到機場CHECK IN，即8:10AM要到達仁川機場，機場巴士車程大約1個小時，所以我們要搭6:58AM的機場巴士比較穩妥。
昨晚已PACK好大部份的行李，我們調較了5:45AM的鬧鐘，起床梳洗執拾，大約6:40AM就完成酒店CHECK OUT。酒店的PRE-PACK早餐7:00AM-9:00AM供應，話說我們在LOBBY見到一袋袋PACK好的早餐，於是問一下可否提早拿早餐，沒想過原來免費早餐只供應至2022年12月31日，今天開始要付費，咁就算喇，反正本身都無預到會要今天的早餐。
我們6:45AM來到機場巴士站，有職員在場協助排隊，起初我還以為他是勸我們搭的士的人，好快機場巴士到站，上車安頓好，結果機場巴士大約6:55AM就開走了，立即慶幸我們有提早過來等車。
上車之後逸逸就再次呼呼大睡了~
來到機場剛剛好看到元旦日出，2023年有一個好的開始，真好﹗
排隊CHECK IN，原來泡菜係要寄倉，唔可以HAND CARRY架﹗
昨晚網上CHECK IN的時候，發現已經定好咗位，無得自己揀位，但係座位號碼有跳號，令我有點擔心，所以一埋CHECK IN COUNTER我就同地勤確認係咪坐埋一齊，地勤說有小朋友的話一定會安排坐埋一齊的，叫我們放心。
地CHECK IN時，剛剛行李輸送帶出現咗問題，所以要等一陣，於是地勤又同我地傾下計，問逸逸係咪7歲，逸逸答自己6歲，不過根據韓國的計法，出世就1歲，踏入新一年又加1歲，逸逸應該已經8歲了，總結就係逸逸係比較BABY FACE。
寄好行李就去食早餐，我們去咗美食廣場，可能因為依邊的COUNTER主要SERVE西餐，所以人好少，坐得好舒服。
我們光顧了Voilà N5，恆仔的ORIGINAL HOT DOG，逸逸的CROQUE MONSIEUR，以及我的MELTING CHEESE SANDWICH，樣樣都幾唔錯，不過人地主力係賣雪糕，可式晨早流流又天氣凍，無機會試到。
辧理好埋出境手續，見到BABY SHARK同埋PINKFONG，又係韓國出品的人氣卡通人物，逸逸都係FANS，我地以前都去睇過SHOW~
好熱鬧的機場
嘩﹗依度竟然有個咁靚的PORORO KIDS ZONE~
雖然同小朋友言語不通，仍然一齊玩得好開心，打成一片，小朋友的媽媽仲用英文同逸逸傾計添﹗人地問逸逸幾多歲，不過逸逸唔敢用英文答，只係用手指表示。
我地準備上飛機喇~
上機逸逸就話要睇返DAY 1去程的時候睇個套卡通片電影。
我就睇到搖曳露營電影版，好正，仲做埋FANS，依家追緊動畫版。
今日在飛機上食午餐
牛肉飯好食好多
記得以前搭國泰港龍都有HAAGENDAZS雪糕食，見有職員拎雪糕就同逸逸預告有雪糕食，點知見佢派完BUSINESS CLASS就好似停晒手咁，唔通國泰縮皮縮到咁？逸逸好擔心，好彩只係要等耐啲，最終都有雪糕同埋COFFEE OR TEA。
今次又有一袋一模一樣的禮物俾小朋友，逸逸興緻勃勃咁揹埋上身。
2022年12月30日開始入境唔駛再做核酸測試，昨晚跟新聞公告要求做咗的快測，完全無人檢查，激死人﹗
相信依個位以前就係用來做核酸檢測的地方。
拎埋行李就返屋企，事隔三年的首爾平昌冰雪世界之旅完滿結束﹗
後記：
逸逸話今次去韓國好好玩好想再去，但係天氣太凍想夏天先去，咁我問佢夏天想去韓國玩乜嘢，佢答我想去滑雪。