自從F5優質食材專門店在屯門開分店之後，不時我都會留意佢FACEBOOK的團購。
依個自己撞豆腐花套裝團購已經見過幾次，每次都覺得好吸引，今次終於買咗嚟試。
套裝包括所有自製豆腐花的用具，包括豆漿兩支、木筒、黃糖以及石膏粉。據說只需要加熱豆漿，石膏粉開成水狀，熱豆漿撞落去開咗水狀嘅石膏粉，再等十五分鐘豆腐花就完成。
因為兩支豆漿的份量可以做到兩桶半豆腐花，可能第一次豆漿同石膏粉的比例唔係咁好，又無冚蓋，結果失敗；第二次終於成功，不過都要等30分鐘先凝固。
自己整既豆腐花真係特別好味道，成功製作豆腐花的那天妹夫的姨甥女正好一起吃晚飯，所以她們也有品嚐這個豆腐花，她們還讚嘆我整嘢食好叻，真係愧不敢當，哈哈﹗