下一個節目是看PAINTER塗鴉SHOW，劇院距離溜冰場大約20分鐘的步行距離，我們決定慢慢散步過去，沿著貞洞路走，中途找一家CAFE休息一下。
好美的一條路，完全是歐洲風。
小朋友已經開始長大，兩表姊妹一邊行一邊傾計，好似小大人。
著咗冷衫的樹，好靚~
點解啲人扁咗既？
我們在貞洞劇場的CAFE小休一下。
我們點了MOCHA同埋熱朱古力，另外也試了韓式傳統糕餅，質感比較濕潤，配咖啡來吃很不錯。原來這種糕餅叫做藥果，在面粉中放入麻油、蜂蜜、酒、生姜汁等和成面團，用油炸過後塗上蜂蜜制作而成，後來我們在超級市場也見有售。
好舒服咁休息一下，好可惜恆仔在這兒遺漏了他的冷帽……
繼續向前行，原來這兒是大使館區。
我們大約4:50PM來到THE PAINTERS塗鴉秀的場館首爾鐘路劇場，換好票就可以入場。現場見到很多旅行團，不過都不是香港人。
妹妹說劇場給我們UPGRADE了門票，所以我們坐得又前又正中間，真好﹗
THE PAINTERS塗鴉秀非常精彩，主要是以現場繪畫、媒體藝術以及精彩的舞蹈融合的演出。四個表演者透過不同的媒體包括粉筆畫、砂畫、夜光、水畫成的作品都令觀察嘆為觀止，作品之中有不少是世界著名的作品，又有不少意境極美的效果。當中又包括與觀眾互動的環節，成個表演節奏和氣氛都拿捏得好好。
下面是印象特別深刻要HIGHLIGHT的內容：
- 點解依四個畫畫咁叻既人可以跳舞都跳得咁好？逸逸話佢哋肯定有學畫畫😅；
- 第一幕其中一個PAINTER在舞蹈期間除掉上衣，逸逸忙著找他除下來的衣服，直至找到才轉移視線；
- 我最鍾意的環節係畫夜光畫，成個過程都真係好靚～
- 互動環節入面選了一個外國人上台一齊玩動作接龍，開頭的題目都是簡單的形狀，最後外國人負責畫答案時竟然係複雜的比卡超，我唔知那外國人是否認識比卡超，不過原來答案已預備好，只要全張畫紙塗黑就看得到答案。
- 逸逸對於認識名畫非常渴求，不停問我這封畫的是什麼，那封畫的是什麼，雖然都是熟悉的畫作，但所表達的是什麼其實也未必很了解，上網查都查唔切。
進行期間不可以拍照，直至謝幕才可以拍照，這就是THE PAINTERS塗鴉秀的四名主角。
這就是他們畫的最後三幅名畫，右邊的畫到一半我已看出是梵高自畫像；中間認出是名畫，但就是被逸逸考起左邊的是誰，原來依幅畫是MICHELANGELO的《創造亞當》，左邊即就是阿當喇；左邊個幅畫就真的不認識了。
睇完SHOW影返張招牌相
逸逸已經太累，所以我們決定回酒店先吃晚飯，於是就跟妹妹一家分別，回香港再見﹗
天氣超級凍，本來我們想直接搭的士回酒店，但係點都截唔到車，最後行去最近的地鐵站 – 西大門站。
返到明洞我地直接去買埋食物先返酒店。
我們在KKANBU CHICKEN買外賣，點知要等40分鐘，於是買完外賣決定轉陣。
就係先光顧一下明洞街頭的小食檔。
我們買了逸逸要求的餃子同埋司華力腸，恆仔的ALL TIME FAVORITE美式熱狗，至於我就梗係最愛的魚糕湯喇~加埋之前係明洞街頭食過翻尋味的雞蛋糕，明明當年寫BLOG時都只係話味道OK，唔知點解鹹鹹甜甜的滋味令我越來越掛住佢。
全部食物都好好味，大滿足，食完已經飽咗大半。
係酒店房食好舒服。
之後就由恆仔再落去拎炸雞，GARLIC SOY CHICKEN非常惹味，點解韓國的炸雞可以咁好味？香港的韓式食店都做唔到依個效果。可惜依個炸雞有少少辣，逸逸食唔到。好彩逸逸食到炸薯條。食炸雞梗係要配啤酒，恆仔幫我揀咗韓國的啤酒，特別有風味﹗