在房間休息一會兒，大約6:15pm我們就出發去吃晚餐。

我們去了對面的CENTER PLAZA，入面有好多餐廳，娛樂設施例如卡啦OK、保齡球場、遊戲機中心也是在這棟建築物入面。

好正的營火，圍住營火暖烘烘的，而且很有氣氛。本來今晚打算在後面的帳篷仔烤肉，點知原來FULLY BOOKED，於是唯有轉陣。

曉曉好失望，因為昨晚他們來過，說好等我們來到要一起去吃烤肉，結果卻吃不到。唔緊要，我們已經預約了明天的晚餐。

今晚我們光顧韓式餐廳 – ONDAM

開飯前大合照

我們今晚叫了四個主菜，都是經典韓食，樣樣都好味道。

首先是韓式烤牛肉，牛肉、蔬菜同汁料炒埋一齊，配白飯食真係好好味，連平日唔係太鍾意食肉的逸逸都食完再食不停Encore。

泡菜湯好惹味，正！配白飯又係一流👍🏻不過雖然逸逸平日食到我煮的泡菜湯，但依個對佢嚟講就辣得滯。

依個係素菜拌飯配菜湯，印象中係有個韓國地名的特色拌飯，材料都係白色的，有雪耳、菇菌之類，拌上黑色的醬汁，清爽又惹味。菜湯有啲似菜乾湯，可以淨飲都唔鹹，唔知點解會令我諗起尹Stay的錦葵湯。

依個係明太魚湯，都係配白飯，平日聽就聽得多，我都係第一次食，好似有解酒的作用，味道相對清點淡，所以被韓式烤牛肉和泡菜湯比下來。

每個餐都有四款小菜，蒜心、明太子、魷魚乾同埋辣泡菜，每一款都好好食，淨係小菜配白飯已經可以飽頓一餐。最受小朋友歡迎的是明太子，竟然連逸逸都話好食，咁明太子對於我嚟講幾時都咁有吸引力，不過我就覺得魷魚乾最有驚喜！

不過要數最驚喜的就是惠顧餐廳可以免費任飲韓國馬格利酒，還要有兩款選擇。一款是純酒，另一款是加了汽水。兩款都好易入口，沒有我們當年在沙田凱悅酒店STAYCATION時DIY的馬格利酒那麼酸。

恆仔和Day都唔飲酒，我和妹妹都慶幸終於有酒友🤣🤣

唔飲酒都有其他選擇，可以飲這款甜甜的韓國傳統飲品，不過，除了只要是甜的都來者不拒的詩詩之外，其他人都唔太喜歡這個味道，可能是因為不喜歡肉桂的味道吧！

任食的水果有兩款，分別是罐頭桃以及新鮮提子。

所以，餐廳價格雖然比較貴，飲多兩杯馬格利酒就可以了。

後面是藍棟Condo，就在CENTER PLAZA的對面，也是今天下午CHECK IN的地方。

好多年沒有見過一大片的雪地了，上一次已經係度蜜月時的北海道蜜月之旅，所以我都好興奮。

至於第一次見雪的逸逸就更加興奮了！

LOBBY的靚靚聖誕樹

逸逸聖誕節的假期功課超級多，加上頭幾天病了根本無法做功課，所以只趕及在出發前完成實體功課。至於網上功課，就要靠每晚玩完返酒店繼續努力，每晚都起碼要做最少半個鐘，可憐的逸逸！

Comments

comments