首爾平昌冰雪世界之旅 – DAY 2 – 首爾動畫中心動漫郊遊區‧香港飯店0410PLUS

二零二二年十二月二十七日(星期二)

昨天CHECK IN時職員通知可於早上7AM-9AM到酒店大堂領取免費PRE-PACK早餐,今天早上我們就即管試試,看看是否合我們口味。

二人份及三人份的早餐一袋一袋的包裝好放在酒店大堂,只要記錄房間號碼及人數就可以領取。早餐的份量是意外的豐富,每人有一隻烚蛋、一個包裝DONUT、一件包裝朱古力批、一個橙、一盒橙汁同埋一盒牛奶,樣樣都好味。雖然房間已有供應包裝咖啡粉,但LOBBY也設有已煲好的咖啡,可以拿上樓享用。

食飽飽就出發今天的行程。

關於今天的行程其實有很多想法,有諗過去三清洞食黃生家餃子,又諗過去世界盃體育場站附近的天空公園,不過因為只有一個早上的時間,去太遠擔心時間不夠,最後搵到位於明洞的首爾動畫中心,雖然資訊唔係太多,不過因為逸逸都有睇過韓國的卡通片例如《小企鵝PORORO》,又係睇《小火車迪迪寶》時認識韓國大熱卡通主角小巴士泰路,應該都有一定的吸引力,就算真係無乜嘢睇,有時間都可以去明洞聖堂看看馬槽,或在明洞逛逛街也可以。

明洞街頭竟然見到泰路造型的巴士站

最AMAZING係巴士站的座位竟然係暖架﹗係寒冷的天氣之下,坐係度真係唔捨得走。

對面係6年前光顧過的ISAAC TOAST分店,咁凍都仲有咁多人排隊,太跨張了吧﹗

拐個彎就來到首爾動畫中心

我成日都覺得恆仔好似《小企鵝PORORO》入面的龐比,所以我迫恆仔同佢影合照。

首爾動畫中心主要分為兩大部份,其一是免費入場的漫畫之家,主要陳列了韓國以前至今的漫畫書籍,並舉辦創意教育活動;而另一部份就是我們今次的目標 – 要收費的動漫郊遊區,展示由韓國開發的各種卡通角色及相關體驗活動。

動漫郊遊區入場費很便宜,成人W4000,兒童W6000,可以全日自由進出,上面就是動漫郊遊區的平面圖。

PORORO同卡龍坐係泰路上面,PORORO貴為韓國國寶級的卡通人物,泰路則是由首爾市長協助下推動以首爾的巴士作為範本的動畫,甚至在行駛中的公交線路推出「泰路卡通巴士」,依個應該係韓國最強的卡通組合。

原來動漫郊遊區入面好多嘢玩,每樣嘢都試下就好快夠鐘要走。

可以係SUPER WINGS入面睇卡通片

攀石

擲骰子

仲可以玩體感遊戲比賽飛行

可以玩駕駛巴士做逸逸司機,可惜唔係我地熟悉的泰路,02號路線的黃色巴士原來叫做妮妮。每次可以繞兩圈,逸逸最後總共玩咗三次。8歲以下小童要成人陪同,所以我係奉旨坐巴士。

駕駛完妮妮可以扮埋駕駛泰路

依間房展示的係一套關於軌道賽車的卡通片,依款車不像我們熟悉的四驅車般在有圍欄的軌道行走,而是透過中間凸出的軌道壓住電力開關驅動,一放上去架車就會自己行,都幾好玩。

依個唔知係咩卡通片的彈珠遊戲

有得睇電影,我地睇咗右邊講變身和魔法之類的少女卡通,雖然完全聽唔明韓文,睇畫面都可以估到大概劇情。

依個好好玩,只要你跳去螢光幕上卡通人物的後面,佢地就會俾你嚇親做出唔同的舉動,逸逸玩到唔捨得走。

依個都係少女漫畫,仲可以玩COSPLAY,不過都唔識佢地,所以都無乜COSPLAY的意欲。

嘗試自己製作動畫

逐格逐格拍攝

大家可以欣賞一下逸逸的作品

依個係幫海洋生物填色

認住逸逸個條橙色黃尾魚

見唔見到佢係水入面游呀?

除了駕駛巴士之外,喜好比較BB的逸逸第二最愛係遊樂場。

咁矮的滑梯都玩到樂此不疲。

其實仲可以製作黏土,可惜我地唔夠時間玩,不過我地都帶咗一份走。另外,依到仲有兩間房的遊戲是給大一點的孩子,印象中是一些VR的玩意,因為逸逸未夠歲數,所以我們都沒有深入了解是什麼玩意。

慢慢玩的話,留一日都OK,可惜我地趕時間。

午餐近近地在明洞的香港飯店0410PLUS食韓式中華料理,我們已經好熟路,因為已經第三次光顧了。

除了已經食過的炸醬麵、海鮮麵和糖醋肉,今次試了辣味炸醬麵,味道即刻變得更加豐富,另外煎餃子和炸饅頭都十分美味,逸逸依餐都食得超級好。

Comments

comments

4 則迴響於《首爾平昌冰雪世界之旅 – DAY 2 – 首爾動畫中心動漫郊遊區‧香港飯店0410PLUS

    • 因為食物唔錯,而且在趕時間之下唔駛周圍搵食乜好,就成為一個好選擇了。

  1. 個動畫中心係好值得玩,收費又平,本地人住得近成日去都得~
    你哋三個人居然可以食咁多嘢!!

    • 所以點解我推薦你臨走前個朝去玩下,現場見到全部都係本地人,似乎得我地一組遊客。
      因為逸逸實力好強,我地最後都只係食剩咗少少炸醬麵同埋糖醋肉。

Catherine 發表迴響 取消回覆

你的電子郵件位址並不會被公開。 必要欄位標記為 *