首爾平昌冰雪世界之旅 – DAY 1 – 令人眩目的N首爾塔

六年前到過N首爾塔,當年覺得登塔太貴,覺得反正上咗山已經夠高欣賞首爾的景色,沒想中卻一直成為心裏的遺憾,所以今次好想登塔,仲特地係上山前用KLOOK買定特價門票。

我心知逸逸入夜就開始跌WATT,所以係坐機場巴士的時候已開始做定心理建設,一見到N首爾塔就叫逸逸留意,讓她對N首爾塔產生好奇心。

要登N首爾塔就要先坐南山纜車,由炸豬扒店沿大路行過去纜車站其實好近,不過仲未適應寒冷天氣的逸逸已經凍到騰騰震。

好彩有條靚靚燈光小路DISTRACT一下。

晚上的南山纜車有如UFO咁飄浮係空中。

乘搭南山纜車的人好多,車廂擠得水洩不通,好彩我們也能佔到一個窗邊的位置。

下面最光的地方就是炸豬扒街了

N首爾塔我地嚟緊喇~

其實架纜車行得好定,但係唔知點解到站的時候逸逸突然「呯㕷」一聲成個人打橫跌底咗,嚇死我呀!可能因為著得多衫所以無咁靈活,不過相信亦因為著得多衫,跌親都唔會好痛。

落車之後人潮都向住N首爾塔的方向往上走,我卻叫住兩父女向下面行,因為我發現咗個影相靚位,不過逸逸則顯得不知所措。

城牆加夜景,仲要無後加現代圍欄,係咪好正呢!

與N首爾塔合照

天氣太凍,逸逸一見到暖爐就走埋去取暖。

靚靚合照,依家逸逸已經成為稱職的攝影師。

去到首N爾塔的入口,先知道原來要先去換票,換票時先知登塔要等90分鐘😱不過因為已經買了票,沒有退路,唯有諗辦法消磨一下時間。

首先去影吓愛情鎖

不過其實夜景更加吸引。

之後落咗去商場,個商場無乜舖頭,不過有一個好靚的LED天花。

好似天空放緊煙花咁,真係好靚﹗逸逸係依度超級興奮,跳嚟跳去滿場飛~

逸逸係依度自HIGH,我叫恆仔搵下商場有無餐廳可以坐低飲下嘢食下甜品,點知恆仔一轉彎逸逸就突然間話要去洗手間。平日小便次數少到我地會擔心的逸逸唔知點解來到首爾的第一天不停咁要小便,仲要好急,於是我趕唔切通知恆仔就帶了逸逸去廁所。恆仔話返嚟唔見咗我地兩母女,覺得好似騙案咁~

跳完一輪我地又去逛逛紀念品店,逸逸偶然就會有一次發了瘋扭計要買嘢,印象深刻的有兩次,分別就是函館的新幹線造型礦泉水以及迪士尼ELSA頭箍,今次係第三次。

今次想買乜嘢?竟然係依個又無用又唔係特別靚的N首爾塔磁石,唔通因為對佢落首爾塔迷惑藥落得太勁?最後以影張相返屋企同佢一齊跟住畫返依個磁石作結,不過到依家仲未畫,我諗逸逸已經唔記得咗。

雖然話入場要等90分鐘,大約過咗45分鐘我地就返去入口睇下,YEAH~差唔多可以入場了。

入場之後先進入INSIDE SEOUL,依個係一個充滿著光影變化的空間:

由古代的亭台樓閣,今天的城市面貌,以至未來世界的都市發展,四季的景色,不同主題的轉換,看得我們目不暇給。好多人睇一陣就走,只有我們成個LOOP睇晒,睇咗12分鐘。

後來逸逸仲忍唔住走埋入去跳舞

因為電梯維修,等升降機登搭要等好耐,好彩有卡通睇,依個故事係講米奇同米妮本來想掛愛情鎖,點知將自己鎖埋一齊又俾野豬偷走鎖匙的故事,最後當然係HAPPY ENDING喇~

入LIFT喇~升降機入面的影像係好似飛上太空,不過事實上N首爾塔唔係好高,只有236.7米,因為唔夠300米,所以甚至唔會列入維基百科世界高塔的排名,當然搭LIFT時亦唔會有耳仔唔舒服之類的感覺。不過以登塔觀光嚟講,因為N首爾塔建於南山上,加埋南山的高度就即刻唔同晒。

首爾的夜景好靚,有一種好安靜的感覺。古老的城牆,不變的漢江,好像可以看到這個城市歷史的變遷。

逸逸已經好累,我們快繞一圈就又再排隊搭LIFT落返去地面,今次無VIDEO睇,所以改為玩靜電遊戲,睇下恆仔隻手好似施咗魔法咁升起逸逸啲頭髮,好搞笑~

好靚的古亭

今次搭纜車落山逸逸緊記緊握扶手

跟住搭依架打斜行升降機返落明洞

依條微斜的路,當年逸逸係我個肚入面時都行過,行到我喘晒氣~

新世界百貨的聖誕燈飾好靚~

恆仔想食宵夜,在便利店買了杯麵,有見平日食辛辣麵都會全包辣粉落晒,所以也不虞有詐,結果辣到飛起,辣到都唔知叫好味定唔好味,最老土係我地無發現原來雪櫃有酒店提供的免費冰水可以解辣。

Comments

comments

5 則迴響於《首爾平昌冰雪世界之旅 – DAY 1 – 令人眩目的N首爾塔

  1. 登塔賞景,最理想的時間是由黃昏看到入黑,飽覽早晚的景色,至萬家燈火就下來,接著去吃晚餐,當然人多要排隊輪候近一小時,時間往往失去預算!

  2. 夜景果然好值得睇呀!靚~不過要等90分鐘⋯唔駛企定定排隊嘅?係有入場順序,定係分時段?

    • 佢係會印咗入場編號係門票上面,同時螢光幕會顯示預計等候時間,只要到你的入場編號到咗就沒有限定進場時間,停止入場前都可以進場,唔駛企定定排隊的。

Rita 發表迴響 取消回覆

你的電子郵件位址並不會被公開。 必要欄位標記為 *