二零二二年八月十八日(星期四)
昨日CHECK IN的時候加了錢在酒店餐廳吃早餐，雖然逸逸肯定吃不下一份，但根據識員所講如無買一份早餐俾小朋友就唔可以出自助餐台取食物和飲品，我地既要尊重逸逸係一個個體，也尊重餐廳的POLICY，所以我地都照買了三份早餐。
其實自助餐台主要供應麵包和飲品
我們點了兩份西式早餐+一份中式早餐，好彩逸逸都好開胃，都無乜點浪費食物，不過就無可能食得落外面的麵包了。
食飽休息一陣就換衫落去試下酒店的泳池。
泳池每日分四節時間開放，我們游第一節：9:00AM – 10:45AM，不用預先拎籌，好像也沒有看到什麼控制人流的措施。
泳池唔算好大，旁邊有個小小滑水梯，不過逸逸梗係唔夠膽玩。
逸逸只要有得玩水就開心
我唔可以游水，又唔曬得太陽，不過我都換咗泳衣落嚟，趁無太陽時坐係池邊踢下水，結果一無太陽時黏媽狂人逸逸就即刻召我去池邊陪佢。
玩得幾興奮﹗
不過，我們發現依個泳池保養得唔係幾好，眼見就有兩個小朋友在泳池玩水時被割傷，所以都唔係太大意欲再落泳池玩。
大約10:30AM我就先回房間拎好沙灘裝備，玩到10:45AM要清池，我們就房都唔返直接轉戰沙灘。
首先玩下沙先
我又係雙腳點都叫做浸下水
之後逸逸開始落水玩
我就返上去岸邊坐下
睇佢地兩父女玩
結果玩左20分鐘又落雨同雷暴警告……
我地唯有乖乖返房沖涼同埋玩UNO。