二零二二年九月三十日(星期五)
我的逸逸寶貝今天6歲了﹗
因為疫情關係繼續唔方便搞熱鬧的生日會，於是今年繼續一家三口來一趟本地遊。
今日碰巧遇上逸逸學校家長簡介會，於是我們兵分兩路，我帶住逸逸和行李先搭的士去酒店，恆仔就去學校參加簡介會，然後再搭地鐵來跟我們會合。
今次我們入住海景嘉福酒店，窗外的景色就是熟悉的尖東噴水池。
酒店給逸逸送了馬卡龍做生日禮物，YUM YUM~
對於逸逸來說，住酒店不能錯過的節目就是睇電視，搞到好似平日係屋企我地唔俾佢睇電視咁。
今日我們搭的士過來時超級大雨，依家見開始細咗雨，雖然恆仔未到，我都帶逸逸出去行下。
逸逸都好識貨：架車好有型﹗
我地周圍影下相
明天就是國慶了，依個國旗區旗陣都幾有氣勢。
同恆仔會合之後就出發去食BUFFET。
今晚BOOK咗帝苑酒店的雅苑座，酒店環境好特別，又有有趣的透明子彈LIFT，逸逸話好想下次住下依間酒店喎~
對於我來說，雅苑座的食物款式很多，樣樣都想試，而且味道也不錯。
不過望下逸逸個碟上面的食物就知熱食其實唔係太啱逸逸那超級揀飲擇食的胃口，不過她仍然食得好開心。
一家人開開心心食返餐
全晚HIGHLIGHT – 蝴蝶酥，另外逸逸對曲奇都讚不絕口。
本來飯前我地在STARBUCKS買了藍莓MUFFINS，打算當逸逸的生日蛋糕，點知原來因為我BOOK枱時寫咗慶祝生日，酒店送了一個半磅的生日蛋糕，那就更加完美了﹗
我6歲喇﹗
逸逸寶貝生日快樂﹗
因為晚餐食得太飽，蛋糕影完相就放返入雪櫃，留待明天再吃。