[國民學校]高級魚糕炸醬長條年糕

一向都係韓印紅的粉絲,最鍾意就係韓印紅的包飯菜,又新鮮又乾淨;另外蜂巢式燒烤調味五花肉都係好嘢,明明係五花肉但係唔會食到成口油﹗

近日加入咗韓印紅粉絲團,第一個試食活動就係魚糕+年糕,我好鍾意食魚糕同埋年糕,但一向都麻麻地韓國年糕+魚糕的煮法,因為經典紅色的年糕醬汁入面有種我唔太鍾意酸酸地的味道,所以今次我就揀咗比較特別的口味:[國民學校]高級魚糕炸醬長條年糕。

原來係急凍年糕,要存放係冰箱。

入面有三個包裝袋,分別係長條年糕、魚糕同埋醬汁。

做法已印刷在包裝袋上

其實超級方便,就是將所有食材加水放晒入鑊個度煮就可以了。

我自己按佢建議加咗兩隻半熟蛋

年糕同魚糕口感都唔錯,醬汁方面其實炸醬風味唔算好強,食起來都同平日食開的韓式年糕差唔多,不過神奇的是無左我唔鍾意的味道,唔知係咪就係加咗炸醬的威力?所以我終於第一次可以好好享受韓式年糕。另外,依個炸醬年糕算係小至中辣,小朋友食唔到,所以要預備其他食物俾逸逸,如果可以出埋唔辣既年糕就好了。

Comments

comments

發表迴響

你的電子郵件位址並不會被公開。 必要欄位標記為 *