二零二一年十二月二十三日(星期四)
未夠一個星期，我們又來迪士尼樂園了。
今日主要來試試大冒險家餐廳最新推出的半自助餐。
一入場就見到有鼓隊在聖誕樹前面表演，好好睇亦好有聖誕氣氛。
本來想去搵SANTA GOOFY影相點知無開，好彩對面舖頭都有好有氣氛的影相位，不過如果有人可以幫手影相就更加PERFECT。
影下小小聖誕樹
第一個遊戲竟然係扮坐小飛象 – 逸逸手上的STELLA LOU唔係今日的戰利品，而係文姨送俾逸逸的禮物，只係今日受寵幸陪逸逸入迪士尼玩。
騎轉轉馬
夢想花園有好多好靚的影相位，影下靚靚雪花先~
竟然見到聖誕米奇唔係咁多人排隊，我地即刻都去影下相。
一般都係先由逸逸同米奇先影合照
再來一張一家三口合照
今次唔知點解，職員突然間主動話想幫逸逸再單獨同米奇影相，仲教埋佢擺POSE添﹗又真係影得幾靚既~
繼續係夢想花園影相
跟住去玩小小世界
同埋小飛象
逸逸每次見到依個垃圾桶機械人都超級興奮，一家要跟住佢走幾條街。
再逛埋童話園林時間就差唔多了
因為我們預約了2:40PM-3:55PM的時段在大冒險家餐廳食冒險家半自助餐，我們大約2:30PM來到，門口已經大排長龍了。不過今日成個迪士尼樂園都超級多人，好彩預定試新餐廳，搵食先唔駛咁辛苦。
冒險家半自助餐包一份主菜，再自由享用頭盤、沙律、甜品及飲品。
入座速度比較慢，我們坐下的時候已經2:50PM了。
點好主菜，就立即出去BUFFET枱睇下有咩食，款式唔算多，一如以往都是提供充滿亞洲各國風情的食物，樣樣都幾吸引。
頭盤及沙律：泰式炸蝦丸，韓式炸雞、煙三文魚伴蜜糖忌廉芝士、中式涼拌雲耳、餓羅斯雞肉沙律、摩洛哥辣蝦沙律、埃及羽衣甘藍蘋果沙律、俄羅斯吞拿魚沙律。
飲品方面就有果汁、印度奶茶以及mango lasi。
開餐喇~
主菜我試了香煎大蝦伴印度炒飯配香茅忌廉汁，味道正常。
恆仔就試了香煎牛扒伴孜燒薯配蘑菇汁
逸逸的兒童餐就是燒雞腿配蕃茄炒飯，炒時蔬及甜點，一睇個陣容就知逸逸淨係鍾意食蕃茄炒飯。
甜品造型好靚，有聖誕朱古力松露蛋糕、聖誕車厘杯子蛋糕、聖誕芝士燕麥甜點、芒果乳酪配開心果蛋糕、雲呢拿蘋果蛋糕、蘋果金寶、麵包布甸配雲呢拿汁，部份好味部份就得個樣，最後加埋水果拼盤，大滿足。
依個半自助餐食物質素OK，坐得又舒服，最重要係可以BOOK定位，都係迪士尼樂園的一個好選擇。
食飽飽出來，逸逸少有的對奇幻庭園的裝置充滿興趣，全鄀都要影下相。
聖誕快樂
竟然發現牛油仔頭套，好可愛~
坐輪椅都可以扮坐南瓜車，真係好FANCY~
逸逸今日要趕返去學跳舞，下次再玩過。(無諗過2022年1月6日起開始關閉，下次就已經是4個月之後的事了)