正所謂無心插柳柳成蔭，兩年前特地出紅館想買票看世界女排大獎賽，卻買不到票；今年，有一天晚上，好友阿高突然在網上跟我說有兩張世界女排大獎賽的門票，問我有沒有興趣陪她看，因為恆仔也對排球有興趣，於是在阿高的協助下多買一張門票，一行三人在八月二十日晚一起去紅館看女排。
看比賽之前先去吃飯，阿高BOOK了枱帶我們去海鮮站吃海鮮。這店被BLOG友不眠王子介紹過很多次，一直都心思思想試下，估唔到今次真係有機會食到。咁耐之前既事，都唔太記得食左D乜，不過當中印象最深刻的是焗海鮮飯，因為平日食焗海鮮飯的海鮮都是雪藏貨，這兒的海鮮則非常新鮮，很有驚喜。
原來我們搞錯了時間，來到會場的時候，美國對意大利的賽事經已開始了。
球員熱身區
中國女排代表在觀摩美國隊及意大利隊的比賽
一邊看排球，很自然就會談起讀書時與排球有關的往事。我一向都不太喜歡打排球，因為會令雙手又紅又腫，但當比賽真的唔夠球員的時候，連開波都成日唔過網的我都會膽粗粗落場幫手。阿高提起中學時一個經典故事，讀書時老師教落，如果自己打算接球的時候要大聲叫：”有﹗”。當年有一個同學，看到排球過來的時候，竟然指住旁邊的隊友然後大叫”你﹗”，到今天再回想當天的情景，仍然覺得非常搞笑。
最後美國隊非常乾脆利落的以25:23、25:19和25:18直落三盤勝過意大利隊。
中場休息有啦啦隊表現，質素真的很一般，原來他們將要代表香港參加啦啦隊世界錦標賽，勝算似乎唔多大喎~
今晚重點比賽，中國隊VS哈薩克斯坦隊。
比賽之前先熱熱身
比賽非常精彩，加上中國隊有較為熟悉的球員例如王一梅，感覺特別親切。平日恆仔在家都沒有看排球比賽，但卻對於球員的打法、攻勢以及能力非常熟悉，經他在旁邊分析，確實留意到不少原本看不到的策略和細節，令這場賽事更為有趣。
女排的動作真的很優美，所以縱然我不愛打排球，卻很喜歡看女排比賽。
教練在暫停時間教路
最後中國以25:16、19:25、25:20和25:21以局數3比1勝出這場賽事，最後還成為I組的冠軍呢﹗
祝願中國女排在2012倫敦奧運會也會有好成績吧﹗
哈哈﹗咁我係咪累咗你﹖hahaha
好正呀，諗返讀書生活就開心。
[版主回覆11/15/2011 15:49:43]係你令我既校園生活更加多采多姿者…HAHA~
係呀，所以我中三日日睇佢o地打波，打完就一齊去南華飲o野，好正﹗
[版主回覆11/11/2011 16:53:54]諗下諗下，我都好似係自從識左你之後，先開始放學無無謂謂都留到5PM先去自修室溫書OR番屋企…
我有時都會懷念放學後去打下排球的日子。
海鮮站我都聽過好多人介紹，但成日都醒唔起去試。@@
[版主回覆11/11/2011 12:03:19]諗下諗下，個時你初中個班FRIEND大部份都係排球人嚟架喎~
海鮮站我都聽左好耐想試好耐，但如果唔係個日阿高BOOK埋位安排好晒，可能到今日都未去試…