二零二二年四月二十三日(星期六)
迪士尼再次因為疫情的關係由今年1月6日起開始關閉,政府終於放寬防疫措施,迪心可以於4月21日終於重開,我們4月26日就急不及待的要來了。
奇妙處處通會籍的有效期將獲延長104日,原本今年3月1日終於開始第二個會籍的我們,來到今天仍然在用2020年7月買的第一個會籍入園。
去年買的長髮公主裙終於啱著,咁浮跨的款式真係迪士尼限定。
入園第一件事就係去買去年12月睇中一直念念不忘的ELSA頭箍,是逸逸特地留返兒童節禮物的QUOTA去買的。事隔4個月,我們也有點擔心已經缺貨,在她上次看中的位置真的沒有ELSA頭箍的踪影。
後來終於發現其中一個COUNTER有最後一個ELSA頭箍,點知俾逸逸留意到無咗中間的寶石ELSA,逸逸話無咗都想買(其實無咗仲靚,所以我都唔介意),不過最後搵到另一個位置有大量ELSA頭箍,終於圓了逸逸的心願。
第一個受寵幸的玩意是小小世界,每次玩完都特別想去旅行。
之後就去玩轉轉杯,真係好暈呀~
本來迪士尼樂園為慶祝情人節預備了新的PHOTO SPOTS,結果情人節樂園要關門,不要浪費,留返依家俾大家影下相。
逸逸睇中咗依個位話要影相喎~
有SHOW睇﹗係一個充滿互動的表演,由綠色士兵帶領大家分組做唔同的指令,好有氣氛。
臨尾又會邀請小朋友出去拎彩色波波
然後玩拋波波,簡單得嚟又TUM到大人細路都咁開心。
一直都話好想玩灰熊山極速礦車,上次嚟時差兩隻手指先夠高,事隔半年,今次夠高喇~
點知臨場又太驚唔敢玩,坐住依個影相先喇~
跟住我地去森林河流之旅冒險。話說森林河流之旅分廣東話、英文及普通話三條隊,以前自由行盛行的時候普通話條隊最多人,依家不能通關就當然係廣東話最多人喇,迪士尼一直標榜三條隊的時候時間相同,鼓勵大家選擇合適的語言。
但係總有人覺得隊伍較短有優勢,有位女士排了普通話隊伍的第一個,眼見不停都是廣東話隊伍和英文隊伍的人上船就用廣東話向職員發爛,職員保持住好聲好氣的解釋,不過我們這些外人看在眼內就覺得她自取其辱。
開船喇~
向住森林深處出發
迪士尼有些玩意完全唔驚,有些玩意驚到逸逸唔敢玩,而森林河流之旅就係又要驚又要玩的代表。
今次再開園個火同水都勁咗好多
竟然可以搞到我地成身濕晒~
我們在火箭餐廳吃午餐,無咗大冒險家餐廳的蕃茄飯真係有啲可惜。
HELLO美國隊長
最後玩埋逸逸口中的”發夢”就要走了,因為今晚仲要去參加曉曉的生日會。
食埋杯雪糕先,芒果味好正呀~
一邊食雪糕一邊睇銀樂隊表演。
久違了的樂園,也久違了的STARBUCKS~
唐老鴨同DAISY好SWEET呀~