二零二一年十二月十七日(星期五)
去年因為疫情關係錯過了聖誕樹亮燈儀式,今年唔想再錯過,點知上網一睇,聖誕前一個星期迪士尼已經FULLY BOOKED,18號星期六節目一早已經排得滿滿的,聖誕蒯淨返17號星期五AVAILABLE……
雖然要返工都唔理咁多喇,就決定放工直接入去迪士尼喇~
無乜幾何夜晚影迪士尼入口招牌相。
夢想成真聖誕樹亮燈於6:45PM開始,我們6:30PM才到,好彩都仲搵到一個唔錯的位置。
恆仔係外面留守欣賞表演的位置,我同逸逸入舖頭行下影下聖誕佈置。
點解喊得咁可憐?因為依個小朋友扭計要買迪士尼頭箍,仲喊得好犀利添﹗媽媽我當然唔會就犯,真係咁鍾意既話留返有機會揀禮物時再買喇~逸逸的心情其實去到睇亮燈先開始平復。
好靚既聖誕樹,加上美妙的聖誕歌,感覺好正。
臨尾仲放埋煙花添﹗
七彩聖誕樹真係好靚呀~
同聖誕樹合照
人頭湧湧的美國小鎮大街,配合著白雪(泡泡)飄飄,好有節日氣氛。
久違了晚上的迪士尼,自從買左奇妙處處通之後,真係少咗好多係樂園留咁夜。
聖誕快樂﹗
因為時間關係,我地只夠時間玩一樣設施,逸逸揀咗玩轉轉馬。
本來諗住去火箭餐廳吃晚餐,但係買食物的隊伍太長,唯有放棄,決定買小食頂頂肚,離開樂園再吃晚餐。
恆仔買食物,我和逸逸坐係牙醫診所下面等,聽到高飛牙醫的聲音,還有病人慘痛的叫聲~
睇完聖誕樹亮燈,逸逸畫畫都決定裝飾聖誕樹。
雞蛋仔好味~
點解時間咁趕?因為我地要睇埋8:30PM開SHOW的奇妙飄雪聖誕高飛舞台表演。
我地太遲過來,只可以遠距離欣賞。
都係一貫迪士尼式歌舞,熱熱鬧鬧的,賞心悅目。
臨尾加埋射燈同埋飄雪效果,好華麗呀~
走之前再去探下ELSA頭箍,依個時候已經變返懂事同埋講道理的逸逸,希望可以快啲帶你返屋企喇~