二零二一年十一月二十七日(星期六)
我地又參加公司康樂會的本地團了，今次吸引我的行程是參觀石崗高鐵列車停放處，對於火車迷逸逸來說應該也頗有趣。
集合地點是錦上路站，以為時間好充裕，點知我攪錯咗集合時間，結果變成小遲到，真係唔好意思。
今日天氣真係好好，非常適宜郊遊。
第一站先去參觀石崗高鐵列車停放處，旅遊巴轉個彎就到。
車廠保安幫我們在旅遊車上探晒熱先落車，參觀地點就是這個列車維修庫。
這兒就是高鐵停泊處了，職員在這兒為高鐵服務及高鐵列車作了簡單介紹。
之後就可以上動感號參觀。其實我地都曾經搭過動感號，不過個時逸逸好細個，肯定已經無晒印象了。
我都係第一次認真了解動感號的設施，原來有動感號設有無障礙洗手間，並提供育嬰設施，也有熱水供應，不過要自攜容器。另外，車廂設有免費WIFI，每個座位都有電源插座，一等座更設有個人音頻輸出插座，只要插上自攜耳筒，便可聽音樂或接收車廂電視的廣播。
試下一等座
又試下二等座
停泊處設計上已預留維修車坑，方便維修。
下一站是大棠賞紅葉，上次來的時候是去年聖誕前夕，警察封晒路唔俾駕車上山，結果未行到起點已經開始無乜力，見到第一個紅葉位就折返，驚逸逸無力行返轉頭。
今年十一月尾過來，聽導遊講是封路前的最後一日，還趕及可以乘旅遊巴到燒烤場，省下的腳程可以行遠少少。
可愛的動物SIGNAGE
我地叫佢做荷包蛋花
逸逸行山必備：各式各樣的零食，所以逸逸都好鍾意行山，因為可以不停食零食。
原來行山徑同時也是越野單車徑，而且好多人在這兒踏單車。
見到紅葉喇~
加埋大藍天，紅葉睇起上來特別靚~
扮自己係樹林
登高望遠
影子遊戲，兩父女每次都要上演扮怪獸的戲碼。
影靚相
今次賞紅葉之旅真係大滿足，逸逸可能去得迪士尼多，腳骨力都有明顯的進步。
我地係草叢見到依隻野生鳥類，都幾多人圍觀~
有人帶埋鸚鵡嚟行山
逸逸上星期跟學校來過，佢話認得係依度影過相喎~
行完山就出返荃灣食午餐，不過要2PM先可以入座，所以導遊叫我地行下街先。
出得嚟荃灣梗係行NIKE OUTLET喇~
食得嘢喇~半天團的最後一站就係食校長燒肉，依間餐廳都有啲名氣，我地都係第一次食。
食物款式真係好多，燒烤火鍋熟食壽司魚生甜品睇到眼花撩亂，連梅酒都有得飲。食物質素正常，唔係特別好食但又唔會唔好食，餐廳明顯係靠量去取勝，叫做試下都唔錯。
對於剛才食咗好多零食的逸逸來說，最緊要係有雪糕食呀嘛~