二零二一年十一月十日(星期三)
未夠兩個禮拜,我地又再次去迪士尼樂園喇~
2020年7月7日購買奇妙處處通的我們,經過多次的休園,會藉將於2022年2月28日到期,收到電郵通知於2021年11月19日或之前續會有優惠,所以今次入園的目的就是續會。
今天逸逸的學校去大欖郊野公園校外教學,回來有點遲,食埋午餐做埋功課,來到迪士尼的時候已經差不多4PM了。
迪士尼已經大變身,由萬聖節主題變身為聖誕節主題。
入到去首先搞掂續會手續先再慢慢玩。
依張相我覺得自己影得好靚~
雖然迪士尼的聖誕期已經開始,不過次次經過都大排長龍的《惡人舞動迪士尼》繼續上演,我們終於可以入場欣賞。
依個SHOW由五位迪士尼惡人擔綱演出,他們分別是《小魚仙》 嘅烏蘇拉、《101斑點狗》嘅庫伊拉、《公主與青蛙》嘅霍博士、《美女與野獸》嘅加斯頓以及《魔髮奇緣》嘅嘉芙夫人。
中間還加插了不少高難度演出,例如這個AERIAL HOOP真係好精彩,自己有玩過空中瑜伽睇得特別投入。
成個SHOW配合晒音樂、舞台設計、燈光、服飾,真係好精彩。
逸逸與大舊金,個POSE真係好奇怪~
依排最鍾意玩依個射水,次次都樂而忘返。
依個POSE又幾有型喎~
我地去玩轉轉狗
同埋綠色遮遮
然後返去夢想世界玩轉轉馬
再去TOMORROWLAND玩發夢(IRON MAN)。
今次仲玩埋射槍(蟻俠與黃蜂女)添,不過逸逸仍然係驚到縮埋成個身體。
今日整體遊客唔多,咁遲入園都可以玩到咁多嘢,而且仲可以無遮無擋咁影到咁靚既城堡。
今晚我地諗住睇多次WE LOVE MICKEY大街投影盛演,多咗棵聖誕樹氣氛都唔同晒~
未夠鐘開SHOW去舖頭逛下先~
又出嚟影下聖誕樹
今次我地坐底係路邊石壆舒舒服服咁欣賞,逸逸仍然繼續覺得好好睇~
聖誕快樂﹗