離開香港鐵路博物館，我們的下一站是去大埔海濱公園野餐。
去野餐就要預備食物，我們沿著大埔的市街走，在途經的麵包店、水果店、燒臘店採購我們午餐的食物。
然後搭71K到大埔海濱公園附近的太和商場
大夥兒在巴士站的座椅休息，我和妹妹則在商場的惠康繼續瘋狂購物之後，就出發去大埔海濱公園了。
大家浩浩蕩蕩的出發，路途不算長也不太短，而且又拎住行裝，不過欣賞一下美景，加上沿路有講有笑，也樂也融融。
我們在大草地搵咗個位置做大本營，開餐囉﹗
今日有咩食？有燒雞翼、風乾火腿、煙三文魚、三文治、蛋糕仔、甜餐包、曲奇餅、芒果糯米滋、薯片、米餅、啫哩、朱古力、芝士粒、香蕉……無計劃之下隨便買竟然是意想不到的豐富。
我地仲買咗一支紅酒一支白酒，爸爸話令野餐有酒飲特別正喎﹗我都覺得係。
食飽飽就休息一下，欣賞一下天空的風箏。
DAY帶咗小朋友去遊樂場玩，影咗好多可愛的相片。
我特地係商場五金舖買咗橡筋，即席編咗一條橡筋繩，除咗玩跳單繩同埋雙繩，仲玩埋LIMBO WALK添﹗這些都是我和妹妹甚至媽媽兒時的玩意，小朋友都覺得有趣，我地玩起上來就感覺到自己年紀真係大了。
小朋友又嚷著要媽媽們和她們一起去遊樂場玩，人真係多得好恐怖，攀爬架插針都插唔入，好似逸逸依啲競爭力弱的小朋友，只可以係外圍爬。
隔離有小朋友玩泡泡，逸逸又跑埋去玩埋一份~
小朋友都累了，我們就行返太和商場，再坐的士返酒店瞓晏覺了。