二零二一年十二月三日(星期五)
事隔兩年，我們又來一次九個人去旅行了。
今次我們向新界東出發，所以逸逸放學之後食埋午餐，我們就坐巴士去上水再轉東鐵線去大學站。
今次我們入住位於大學站旁邊的沙田凱悅酒店，最近他們正在推廣韓宅‧度假，所以酒店內外韓風處處。
我是訂房的負責人，CHECK IN時本來職員一次過將三張房咭交給我，不過他們到達酒店時仍然要過來櫃枱登記資料。因為今日大家各有各忙，爸爸媽媽要去主教座堂參加婚禮，妹妹一家要去曉曉學校家長日，都唔知幾點先到，我們又預備逸逸要瞓晏覺，不如由酒店直接交房咭給他們好了。
房間又大又舒適
仲睇到少少海景添架﹗
見我地帶住逸逸，仲特登送咗一袋曲奇俾我哋添﹗
今日4PM我們預約了參加韓國米酒釀造工作坊，本來留了6個位，後來電話確認時改為4個位，留下唔飲酒的恆仔和DAY負責照顧小朋友。爸爸媽媽和邱氏一家都趕唔切準時過來，於是恆仔陪逸逸係房間瞓晏覺，我就自己落去集合先。
職員帶著我們一班參加者去了一個像會議室的地方上堂，枱面已放好一份份的材料包。
原來係與韓國即時連線的網上課堂，由一個識講普通話的韓國導師教我們製作韓國傳統的馬格利酒。老師的普通話是有限公司，不過都好感受到佢好努力咁想同我地傾計交流。
老師首先向我們介紹釀造韓國傳統馬格利酒的方法，也有參觀釀酒廠的片段，好似參加埋WINE TOUR咁。
睇完介紹，爸爸媽媽和邱氏一家也到達酒店了，幸好酒店願意安排職員去接他們過來一起參加工作坊，啱啱趕得切參加實習的部份。
其實過程都好簡單，就是將飯、水和NURUK(韓國傳統發酵劑)慢慢混合和弄碎，然後等五天慢慢發酵，隔埋渣就可以飲用了。
完成了，發酵期間容器不要加蓋，否則入面會有氣體谷住，搭車返屋企短時間加蓋當然無問題喇。另外，發酵期間每日都要攪拌一次，待在酒店期間都不能夠懶惰啊﹗
——————————————————————————————————————-
五天後的成品
過濾隔渣
加少少檸七汽水一齊飲，酸酸甜甜的好味道，襯埋韓食，正呀﹗飲酒個杯都係釀酒套裝的裝備，特別有風味。