親子CAMPING初體驗 – DAY 1 – 手忙腳亂的新手

二零二一年十二月二十一日(星期二)

今天就是出發露營的日子,早上還是一號風球,情況令人擔心,不過看到天氣Apps顯示下午時份下雨機會率是30%,5pm後更加不會下雨,所以對於天氣情況仍然充滿希望。

反而我們出發的時間被戶戶送外賣阻礙,我們訂了一家與我們家步程大約10分鐘的餐廳,戶戶送取餐後竟然差不多等了一小時才送到,總之擾擾攘攘之下我們4:30pm才到達營地。

怡樂大江埔悠閒農莊位於錦田大江埔村附近,IPHONE導航APPS都無用,要用Google Map先成功帶我們來到這兒。

我們今次被編派到22號營地

這兒景觀開揚,環境好舒服,而且估唔到仲有藍天白雲,缺點是間中會傳來一陣豬味,聽說這兒附近有一個豬場,不過是可以接受的味道,一向對味道敏感的逸逸的無問過這是什麼味道。

我們要在天黑前SET好帳篷,我們的帳篷是很簡單的那種會自動彈開的設計,所以放好防潮墊之後再將帳篷放上去再訂好營訂就搞掂。反而因為怕晚上下雨,一定要在帳篷上面加天幕,我和恆仔兩個人都唔熟手,安裝天幕就是不斷的Trial and Error,仲要無帶鎚仔上營釘,實在是手忙腳亂。

而就在我們手忙腳亂之際,我們安排了黏人寶寶逸逸坐喺車上面食珍寶珠,同埋睇係Disney+ Download 定的卡通片《公主與青蛙》,期間一直都無叫過媽媽,大成功。

直至5:45pm,花了大約1小時15分鐘,帳篷+天幕終於叫做成型了。

恆仔繼續Set埋其他嘢,我就趁天未黑陪逸逸跑下玩下。

我哋放咗風箏

又打咗羽毛球,今次係第一次教逸逸打羽毛球,所以大部分時間都係執波,不過都玩得開心。

恆仔城我哋嘅帳篷加埋燈喇

天都真係黑,已經玩唔到跑跑跳跳的活動,有排都未食晚餐,俾逸逸食下百力滋先,一出去玩就可以不停食零食真係爽。要特別介紹下依張櫈,其實都幾重,但係坐喺上面真係好嘆,當時係舖頭見到時我絕絕係一見傾心,即刻決定要唔要買嚟露營,其實帶去野餐都可以。

今晚我哋租咗個燒烤爐BBQ,就正正放係我哋營地草地我旁邊。

恆仔透爐時我同逸逸就預備食物,例如用錫紙包番薯

同埋整串燒

睇吓幾靚

今晚我仲帶咗支法國南部教皇新堡的紅酒嚟飲,配BBQ一流!

我哋帶咗塊放咗喺屋企雪櫃好耐唔知點處理的斧頭豬扒來燒,又預備了蝦、腸仔、雞翼、丸、燒賣、黃椒、蕃茄仔、粟米仔、蕃薯、麵包等等,食物非常豐富。

食嘢喇!

不過個火實在太旺,放鐵網面燒燶咗好多丸,好彩我哋帶咗一支燒烤叉來,用番港式方法燒烤。

臨尾梗係要燒埋棉花糖做甜品喇,本來支燒烤叉咪買嚟咁用架囉

平日我唔鍾意食棉花糖,但當燒到外脆內軟,真係好好食。

忙亂咗成日,終於可以坐低休息下

營地真係完全無光害,我地仲帶唔夠燈添!今晚月亮好光,竟然仲睇到好多星星,是意想不到的Bonus。

我哋瞓覺啦,逸逸話瞓咗入睡袋好似綠色毛毛蟲喎~

本來買咗自動充氣床墊,點知充唔到氣,好彩草地夠軟,瞓得都舒服。因為天氣唔好擔心天氣凍,加上我們只買了15度睡袋,恆仔朋友叫我哋帶定冷帽頸巾又買定暖包,結果逸逸瞓咗無耐就係睡袋逃走咗出嚟,我也熱得滯要換返薄上衣薄長褲才睡得著覺⋯⋯

越夜越多雲,凌晨兩點多的時候醒過一次去洗手間,奇怪的是四周比半夜12點的時候光得多,可能因為月亮升到半空,去洗手間時連燈也可以不用帶呢!

Comments

comments

發表迴響

你的電子郵件位址並不會被公開。 必要欄位標記為 *