大腿外側出現了一粒脂肪瘤已經多年，只是偶然有點不舒服，醫生檢查過不處理也沒有問題，近日發現脂肪瘤有持續生長的跡象，於是的起心肝去搵醫生割咗佢。
小手術於播道醫院進行，手術8:00AM開始，7:00AM要到醫院，結果5:30AM就要起床了，幸好屯馬線開通可以直達宋皇臺站，否則恐怕我就選擇坐的士過來了。
雖然是小手術，但都要預約日間坐位，最爆笑係登記時職員話日間床位包6個小時依家開始計時，好有玩任務闖關FEEL﹗
雖然行得走得但仍然係要係病房瞓上床俾人推去手術室門口，7:45AM就已到達手術室門口，有個醫院姐姐嚇我話有時醫生唔知醒起身要等好耐。最後手術於8:15AM開始15分鐘內完成，係局部麻醉個幾支針好鬼痛，做完手術反而乜事都無，連止痛藥都唔駛食，好神奇。俾人推返去病房之後等咗好耐先走得，重點係等醫院出帳單。
走的時候護士驚訝無人來接我，吓﹗我行得走得無事喎，仲慢慢搭屯馬線返屯門添﹗
PS1. 有一個護士個樣好似《機智醫生生活》的張冬天醫生。
PS2. 附近病房全部都係幫我做手術的醫生的病人，手術也是排著隊一個接一個，做外科醫生真係搵好多錢。