二零二一年八月二十八日(星期六)
暑假已經來到尾聲,因為節目非常豐富的關係,成個八月都無去過迪士尼,趁住今個星期是迪士尼PRINCESS WEEK,我們就入場玩下。
PRINCESS WEEK當然要戴返個皇冠襯返個主題,不過今日無著公主裙,而係著印咗八個公主的背心,咁先係尊重晒咁多個公主呀嘛~
行下舖頭先,竟然見到我係2008年買過個件史迪仔T-SHIRT,唔通係長青款?今年慶祝愛麗絲夢遊仙境70週年,成個櫃都係愛麗絲的產品,好靚呀~
今日我地第一站係去TOMORROW LAND
因為逸逸一早講好今次要同IRONMAN影相,逸逸間唔中就會想嚟同IRONMAN影相,究竟對於她來點解咁有吸引力?
最近正在上映電影《尚氣與十環傳奇》,迪士尼都有依套戲的PRODUCT賣了。
跟住就係被稱為「發夢」的鐵甲奇俠飛行之旅,今次我地坐第一行,特別有FEEL﹗
小小世界
今日被逸逸寵幸的朋友仔係CINDERELLA,同小小世界入面的CINDERELLA和王子合照。
因為係PRINCESS WEEK,我地入場時都特地預約咗同公主影相。
今次同我地影相的係睡美人愛洛呀,好似係第一次同佢影相。比較起長髮公主,愛洛真係ELEGANT得多,佢做同逸逸講你個皇冠好靚呀~
轉轉馬又稱為灰姑娘旋轉木馬
當然要幫CINDERELLA影返張相
今日我地係火箭餐廳食午餐,天氣唔算熱坐外面都幾舒服,逸逸話依家係爸爸鍾意的餐廳喎~
我們就好時間,食完午餐就出嚟睇PIXAR水花大街派對。
《反斗奇兵》入面的一大班玩具朋友
《1/2魔法》的主角,我仲未睇添﹗後面就係《沖天救兵》的卡叔﹗
仲有《玩轉腦朋友》的阿愁呀﹗
《海底奇兵》
《超人特工隊》架車好有型﹗
上次七月尾來的時候睇到少少,覺得佢地噴水噴得好節制,在兩旁觀賞根本唔可能濺到水,可能驚整濕大家的口罩。但今次水花卻非常強勁,如果你想的話,係可以整到自己濕透﹗
我地無刻意去接水,亦無刻意避開,企係路邊睇完個巡遊個身都幾濕下。
行返去夢想世界時遇到CINDERELLA呀﹗CINDERELLA見到逸逸手上的CINDERELLA公仔都好興奮,計埋逸逸件TEE,依張相入面總共有三個CINDERELLA呀﹗
轉轉杯
小飛象
又係依個會郁會講嘢的垃圾筒,佢仲叫個小朋友掉垃圾入佢嗰肚,好搞笑,睇到逸逸入晒迷。
跟住係森林河流之旅,每次玩依個逸逸都係又興奮又緊張。
一邊食魷魚一邊排隊睇獅子王慶典
久違了的獅子王慶典,終於入到場睇,雖然已經睇咗好多年,仍然覺得非常精彩。
係灰熊山谷遇上西部MINNIE,返正依家排隊影相都要保持社交距離,唔排隊係旁邊影都唔差好遠者。
依個噴泉山谷又係玩到逸逸顛晒~不過佢兩父女話我最頑皮,因為我係中間條路跑過呀嘛~
我地當然唔會企係大水桶下面,但只要企起噴水口旁邊都會成身濕晒。
逸逸第一次對迷離莊園的奇幻庭園感興趣
終於去到我們的目的地 – TOY STORY LAND玩彈弓狗
由11AM玩到6PM,盡興而歸,遺憾係無機會食到特別為PRINCESS WEEK而設計的精美甜品。