玩咗一日實在太累，逸逸個晏覺瞓極都未醒，到7:30pm真係一定要叫佢起身，唔係幾時先食晚飯？
好耐無出過城，一場來到尖沙咀好多以前成日去的地方都想去懷舊一下，而今晚的目的地就係尖東的德興火鍋海鮮酒家。
德興位於尖東的半島中心，是一個舊式商場，估唔到都有影相位。
來到德興當然係食任食火鍋，明明三歲以上要收費，但我們一家三口都係收我哋兩個人錢，可能本來小朋友客人就唔多，睇逸逸個樣都唔荒食得多，都廢事同我哋計。依度一向湯底同食物的選擇都好多，我們今次就揀咗雪耳雪梨蘋果鍋做湯底，聽個名都知好滋潤。
食物的選擇也非常豐富，真係同近年食開的日式火鍋放題感覺完全唔同，所以樣樣都想食想試，有啲係落單有啲係自取，食到飽到上心口。飲品的選擇也很多，啤酒汽水果汁涼茶都有，大滿足。
每人仲包一杯Movenpick雪糕，侍應竟然拎咗三杯俾我哋，真係好感動。
食到咁飽梗係唔甘心直接返酒店，縱使落住毛毛雨都想去尖東海旁行下。
李小龍vs楊小逸
第一次見依個雕像，原來係百變天后梅艷芳。
小朋友梗係最鍾意麥兜喇
好靚嘅夜中玫瑰
一邊沿住海傍散步，一邊欣賞香港美麗的夜景，加上剛剛落過雨天氣唔太熱，真係好Relax。
高舉明珠的香港電影金像獎女神
不經不覺就行到去文化中心，見到剛剛拍完戲預備收工，不過我都唔太識依家的明星，恐怕見到都唔認得。
尖沙咀鐘樓到此一遊
充滿野心的我建議遊下船河
由尖沙咀坐天星小輪去中環
𣈱遊維多利亞港
係中環落船之後再即刻跑去再入閘，再坐返同一架船返尖沙咀。
麥當勞對面遇上粉紅教主Anson Lo的廣告牌，一場來到點可以唔打咭兼Post上Facebook同Instagram？
我地終於捨得返酒店了
今日我行咗18700步，以逸逸的步距，起碼行咗20000步，她的潛力真係估唔到。另外，我地竟然帶住未夠5歲的小朋友玩到11點幾先返酒店，真係不一樣的親子旅行。