睇完電影出來，逸逸就被這個大型兒童遊樂設施吸引住，於是我們趕緊去排隊，好彩幫著涼鞋的逸逸帶咗襪仔。
這個兒童攀爬設施名為樂高城市歷奇，以消防局作場景設計藍本。
陪同的大人都可以一齊爬埋上去，但入面headroom太低，入到去全程都企唔直個人，又爬梯又要捐窿，玩咗一around就頂唔順，叫逸逸自己繼續玩。
之後我們排隊玩另一個機動遊戲 — 魔法轉盤。
踩動腳踏就可以向上飛，可惜逸逸唔夠腳長。
當然靠我的力量仍然可以升高降低，不過逸逸當時有點失落，唔知點解去到今天，她的印象變成依個遊戲好恐怖😓
對面係適合2-5歲的德寶農莊，未夠5歲的逸逸是適齡兒童，淨係重覆玩滑梯都玩到唔捨得走。
仲有好可愛的松鼠和兔仔，如果有埋我地屋企都有的馬仔逸逸應該仲興奮。
熟悉的LEGO DUPLO，係依度有兩個小朋友都好想同逸逸一齊玩，雖然大家無乜講嘢，但睇到有眼神交流，仲笑得好開心添。
隔離係LEGO FRIENDS系列，歡迎來到心湖城，不過逸逸同佢地唔認識，所以無乜共鳴，望咗兩眼就行咗去了。
反而吸引到坐下來玩的是樂高賽車場。
依個係地震測試，睇下你起個棟建築物夠唔夠穩陣，經唔經得起地動山搖的考驗。
自己拼砌出來的車子，沒想到一衝落嚟就散晒，我笑恆仔架車咁脆弱，佢話好辛苦先集齊零件砌得成架車，沒好要求咁高喎，哈哈。
幫逸逸報咗名參加樂高創意工作室的課堂，本來有個職員話4歲的小朋友可以家長陪同，點知後來又話要小朋友自己入去。
唔係怕逸逸唔夠獨立，而係手指唔太靈活的她平日只是砌LEGO DUPLO的LEVEL，要砌CLASSIC LEGO真係向高難度挑戰，好彩有職員幫下手。
睇下依隻吊係樹上面的馬騮幾可愛。
時間差不多，逸逸話想玩多次古堡歷險。
恐龍吼~
我們的門票可以去咖啡屋換領每人一杯雪糕，本來打算在咖啡屋順道吃午餐，怎料，今早原來來了一班年輕人，他們將咖啡屋的食物差不多買光光，店員表示出餐時間要好長，而且只剩下極少的選擇，所以我們唯有食完雪糕再去出吃午餐。
我們換領雪糕與點餐的排同一條隊伍，點餐的速度其實也極慢，慢到店員見到拿著雪糕的我擔心雪糕溶化建議可以讓我在雪櫃換另一杯雪糕……
搵到位可以坐低舒舒服服食雪糕
臨走前影埋個靚靚LEGO鐘樓
最後我們在LEGOLAND DISCOVERY CENTRE真的花了大約三個小時，不過如果唔係要外出吃午飯，其實可以繼續玩，起碼我們還有一套電影未睇。
我們去了韓國街的南大門1號店吃午飯，食物味道一般，始終香港的韓國食店越開越多，周圍也有賣韓國食材，韓國街的餐廳已經不再一定是吃韓國菜的必然選擇。
無得去韓國都扮下去韓國喇~