我們今晚BOOK左太平洋皇家酒店的CAFE ON THE PARK食BUFFET，由酒店穿過九龍公園散步過去就可以到達。
在彌敦道等待過馬路的時候，逸逸突然開心大發現，指住對面的清真寺話好靚，問這是什麼建築物。清真寺在香港的街道上確實是很特別很吸睛，但我們已經習慣了它的存在，是大鄉里逸逸提醒我地要留意返身邊的一事一物。
所以當然是要影返著遊客到此一遊認證照。
九龍公園是我和恆仔拍拖時期常到的地方，所以對我們來說，在這兒散散步也充滿回憶。
水噴得好高的噴水池
去九龍公園一定要睇紅鶴，HELLO紅鶴，好耐無見喇~我們還是第一次帶逸逸來。
印象中以前都是在橋上看紅鶴的，見唔到紅鶴的踪影仲以為已經無咗，繞個彎先見到原來紅鶴聚在池塘的另一邊。
終於來到中港城了，因為疫情的關係來往珠海澳門的船都停駛，這兒變得非常冷清。不過我們發現這兒原來開了一間合味道紀念館，可以玩杯麵DIY，下次可以搵機會來玩下。
我們以前都多次光顧過CAFE ON THE PARK，價錢不貴食物也不錯。本來我是想食港威酒店的THREE ON CANTON，一星期前打去問點知FULLY BOOKED，即刻問多幾間多人追捧的自助餐廳情況也一樣，幸好想起CAFE ON THE PARK，SINO CLUB今年仲要重啟返生日買一送一優惠，小童又幫我地分單做正常折扣，變得更加抵食。
今晚的BUFFET是以泰國主題，去唔到泰國都當自己去咗喇，SAWADEEKA~
逸逸依家大個女，要跟埋出去自己揀食物揀飲品。
SINO CLUB另一生日禮遇就係送紅酒，恆仔唔飲酒，我一個人飲晒兩杯~
因為好耐無食個自助餐，當日都覺得食物好豐富，不過後來食咗更加豐富的帝京酒店花月庭以及合和中心的自助山，這兒的食物選擇確實較少，但價錢相對也比較便宜就是了。
有得揀兩款雪糕，實在太開心喇~
SINO CLUB仲送生日蛋糕添﹗恆仔生日快樂﹗最貼心的是影完相還可以提供外賣盒帶走蛋糕，這才可以好好享用BUFFET枱的甜品嘛~
泰式甜品點少得芒果糯米飯？但我們食甜品期間多次出去都見唔到有再補充，實在有點失望。係等埋單期間我帶逸逸上廁所，經過BUFFET枱終於再次見到芒果糯米飯的踪影，當然要食埋先走，返緊埋枱時逸逸遠遠就大嗌：”爸爸，終於有芒果糯米飯喇﹗”，真係又好笑又尷尬。
回程我們經過海港城返酒店，見到上次來影PIXAR FEAST時遺漏了的INSIDE OUT PHOTO SPOT，今次當然唔可以錯過同阿樂和阿愁影返張相喇﹗