二零二一年八月九日(星期一)
因為疫情關係，暑假不能外遊，儲埋一大堆年假都係要放，於是繼七月份的暑假親子長洲行之後，趁八月恆仔生日，再放一星期大假，來一趟四日三夜市區遊。
今天是恆仔的正日生日，梗係要顧及壽星仔的喜好。我們拎齊行李搭屯馬線去元朗站落一落車，去YOHO MALL的亞蘇爾澳門菜食乳豬。
我們點了一個有乳豬食的二人餐。
小食拼盤包括有芝士馬介休薯球、墨魚球、辣蝦柚子沙律以及芝士脆豬包，樣樣都唔錯。
主菜係香草霹靂非洲雞及葡式香烤乳豬件，乳豬皮脆肉嫩好好食，非洲雞就略嫌太過濃味。
意粉四選一，恆仔揀左十月初五蝦子松露意大利麵，味道都唔錯。
仲有湯同飲品，三個人食二人餐都差啲食唔晒咁滯，食到好飽，好滿足。
我地仲係度撞見大學同學阿Kit，突然間有人係背後叫我一聲胡小姐，嚇了一跳！
跟住繼續搭屯馬線去尖東站，由尖東站行去尖沙咀站時，途經多條平面電動行人步道，逸逸即時又Ring Fit上身。
今次更加投入的是一邊行仲要一邊吸錢🤣🤣
終於來到今次將要下塌三晚的香港金域假日酒店。
雖然說是暑假，但也只是一個要上班的星期一，排隊CHECK IN的人頗多，但感覺應該排半小時就可以了。沒想到最後竟然花了接近一小時才成功上房，我覺得主因是埋到櫃枱才要每一位客人填寫健康申報表，如果利用排隊時間就先填好表，就可以節省不少時間。
排隊時逸逸係度畫畫
佢話依個係媽媽喎
房間無乜景色，就係尖沙嘴的舊樓，仲要天井位有好多垃圾，最吸睛的已經算是迅號山花園的紅磚迅號塔。
配合疫情，酒店也送了防疫包，有口罩、酒精搓手液和消毒紙巾，不過也只是入住當天贈送，之後就沒有再補充了。
本來一心來到酒店可以讓逸逸睡個午覺，但因為CHECK IN時間太長已經趕不及，係房稍事休息就再次出發去吃晚餐了。