二零二一年七月三十一日(星期六)
來到七月的最後一天，過咗半個暑假竟然還未去過迪士尼，就趁星期六去玩下。
同事Amy給了一條她女兒已不合穿的公主裙逸逸，雖然逸逸不時已公主扮相去迪士尼，但係著到咁行還是第一次。
所以點都要擺下Pose影下相
第一站係森林河流之旅，逸逸好明顯係又要驚又要玩。
經過歷奇噴水池，逸逸有點猶豫，鍾意玩水嘅佢好想入去玩，但係今日著到咁靚又唔想整濕，最後都係禁不住貪玩的心，入去玩咗一陣。
行下商店，上演一場當小飛象遇上小飛象。
跟進當然就係去玩小飛象喇﹗
仲有轉轉馬，其實著住貝兒裙玩真係有啲狼狽，一啲都唔ELEGANT。
再玩埋POOH POOH~
依家迪士尼可以網上預約到皇室禮賓庭與迪士尼公主及女王會面，我們入場的時候拎左預約卡，夠鐘再過來排隊。排隊的人龍確實沒有預約時那麼長，但最大的缺點是預約的時候你根本唔知道會同邊個影相……
點都好，排隊時先幫逸逸貝兒公主影下相先~
噢~又係長髮公主樂佩~上次我地已經影過一次，真係有啲失望~不過如果好似前面個小朋友打扮到成個小小樂佩，見到樂佩就一定好開心。
樂佩都叫逸逸做PRINCESS BELLE，不過逸逸又係超級怕醜，唔敢望住樂佩……
同掃把影相就FREE好多，唔駛再拘謹，哈哈~
跟住去玩小小世界
玩完小小世界出來，見到久違了的迪士尼魔法書房竟然有位可以入場。
未開始之前先由魔術師表演幾個同公主有關的魔術，幾有趣~
跟住就係SHOW TIME~樂佩，又係你？
點解會坐左係恆仔膊頭上面？
因為我地遇上了PIXAR水花大街巡遊
好熱鬧，不過因為怕整濕口罩，所以真係無往年咁瘋狂，亦唔會成身濕晒~
午飯係皇室宴會廳食，無左茄汁飯的兒童餐魅力大減，如果食快餐又要逸逸食得好，唔通只可以幫襯大冒險家餐廳？
最後玩埋IRON MAN就走LU~
一上車就呼呼大睡……
其實著住依條貝兒裙去迪士尼真係好唔方便，坐又坐得唔舒服，行路又成日踢到條裙個圈，所以逸逸今日不時都有啲小脾氣。後來問返佢下次仲著唔著貝兒裙去迪士尼，佢又話著喎，真係為咗靚可以突破一切困難。