二零二一年七月十六日(星期五)
來到今次長洲小旅行的最後一天。
我們的鬧鐘是直昇機的聲音。
但平日醒瞓的逸逸竟然無被嘈醒
繼續落酒店食早餐,今日逸逸終於肯放過她的婆婆,等婆婆可以同公公撐枱腳~
食完早餐返房整理一下先出發,今日天氣開始變差,不過有比較先至覺得早兩日的超正美景更加可貴。
出發喇!今天早上的節目繼續係行山,目的地係長洲有名的張保仔洞,不過,我們首先去搵下據程在酒店附近但我哋一直都唔覺見到的長洲石刻。
長洲石刻是香港的一個法定古蹟,石刻的刻鑿年代無從稽考,不過它的紋飾和青銅時代的紋飾較為相似,因此可能是由前14世紀的先民所刻。
沒想到長洲石刻遠在天邊近在眼前,位置正正就是我們房間露台對下的位置,昨天行山在旁邊經過也沒有留意到呢!
酒店旁邊就是長洲醫院,爸爸下星期要入醫院做小手術,入院前要先做Covid-19的檢測,雖然依家要拎檢測樽無以前咁難,但既然行過就可以拎無理由唔順便拎埋。
根據Google Map的導航向著張保仔洞出發,無諗過竟然誤打誤撞有緣欣賞到馬會投注站外色彩繽紛的壁畫。
而且仲充滿著長洲特色
穿過長洲的窄巷,來到碼頭附近。
這是小時候滙豐銀行的樣子,依家已經唔同晒,分行亦變得越來越少,估唔到長洲分行仲保留住依款舊裝修。
長洲醫院的車仔,也算是長洲特別的風景。
長洲天后宮
幼稚園門前的壁畫
以前去張保仔洞的印象係沿海邊走,今次用Google Map導航,發現沿住西灣路上山都可以。
途中會先經過長洲公園,可以俾最怕行斜路的逸逸休息一下。
登山遠足,可以呼吸新鮮空氣,特別舒服。
登高望遠
唉唷,去到中途竟然下起雨來,有點狼狽呢!
一路上雨都下得頗密,好不容易終於來到張保仔洞。
逸逸咁細個,張保仔洞入面又咁窄,本身已經無諗住同佢入去,加上天雨路滑,如果爸爸媽媽話想入去我都會阻止。
結果來到洞口時逸逸本來還開開心心的拍照
一聽到我話唔入去就立即崩潰了,可能因為行得咁辛苦,加上見到前面一班小朋友興奮的排隊入去,所以受不住這個打擊吧!
逸逸已經無晒力,我們又要趕返酒店check out,所以坐舢舨返回長洲碼頭。
$10一位,都幾有風味嘅~