去完遊戲室就返酒店瞓晏覺，今日體力勞動太多，加上昨日沙灘時間太短唔夠喉，逸逸瞬間就睡著了。
見到外面有人在爬獨木舟，我都好想玩。
逸逸去遊戲室玩同埋瞓晏覺的時候，爸爸媽媽都繼續探索長洲，雖然搵唔到網上好多人推介的冰廠豆腐花，不過都係其他地方食咗，而且味道都唔錯。另外，我亦拜托他們帶來了有名的長洲平記超大份芒果糯米糍。
逸逸瞓醒覺就過去爸爸媽媽房，享用美味的芒果糯米糍當下午茶，之後就出發去沙灘玩了。
今日比較早出發過來沙灘，可以玩下沙先。
沒有帶玩沙工具過來，恆仔特地返酒店拎咗膠水樽和紙杯俾逸逸當玩沙工具，一樣玩得興緻勃勃。逸逸話玩沙係做美勞，今日的美勞係乾沙撈濕沙。
今日爸爸留係房休息無落嚟游水，所以三個大人輪流留守大本營，我都有機會負責留守。本來話今日再游水浮台影返張認証照，但係實在太大浪，還是安全至上，唔係太敢游出去。
玩到日落先返酒店沖涼，沖完涼太陽已經差唔多落晒山了。
我們出去吃晚飯，都唔知食乜嘢好，最後隨便入咗依間阿信小廚。
我地叫咗粟米魚肚羹、雜菜煲、士多啤梨骨同埋椒鹽鮮魷，樣樣都好味，價錢其實正常，但同昨晚的海鮮餐相比，就變得好貴。
食完晚飯散步回酒店，返房之前又去遊樂場玩下先。
同婆婆玩對講機
今晚有人係酒店BBQ，有機會都想試下。
雖然晚餐都食到好飽，不過，因為恆仔睇中咗海邊一檔食物，所以激發到佢願意一個人再次出發去買宵夜。
就係依檔即製腸粉
係恆仔買宵夜的時候，我同逸逸就繼續係房的露台玩城堡遊戲，點知竟然有一隻大蜜蜂飛咗埋嚟，仲要係我地附近飛嚟飛去唔知唔肯走定走唔到。逸逸好驚，其實我都好驚，但要扮鎮定咁安慰逸逸，同佢講安安靜靜坐係度唔好郁就無事。最慘我地又返唔到入房，如果蜜蜂飛咗入房仲弊，等咗都十分八分鐘，終於有一刻蜜蜂飛得遠咗少少，終於成功帶住逸逸閃返入房。
恆仔買咗宵夜返嚟，我地又返出去露台開餐喇﹗
依個係即製牛肉腸，腸份真係好滑，好妹味~
加埋今日下午買的奧地利青檸啤酒，好FRESH好好飲呀﹗