暑假親子長洲行 – DAY 2 – 懷舊茶樓‧滋味PANCAKE‧小朋友也搶包山

返酒店洗個面換件衫,我們再次出發去食午餐。

經過位於東灣路的愛情鎖牆 Lock of Love,其實這是B&B渡假旅館的設施,可以自行繪畫充滿個人特色的鎖頭再掛上,也有其他DIY玩兒,本來我也有計劃玩一下DIY,可惜最後行程太過緊湊沒有空檔。

今天午餐本來諗住試吓海傍街熟食中心陳通記有名的沙嗲牛肉,聽說豬潤和鮮魷也不錯,沒想到原來這店登記為A類食肆,即限制住2人一枱,我們一行五人真係有排都搵唔到位,唯有放棄。

最後食咗碼頭附近的傳統茶樓金冠茶樓。

自己係門口拎點心,自己拎上去二樓樓上雅座,完全Self-served。

點心好唔好食?係個蒸爐上面無限翻蒸梗係唔太好食喇!印象中最好食好似係蒸鯪魚球。不過我哋都唔係叫咗太多食物,因為我哋仲有下一站飲食行程~

就係CORNER GARDEN CREPES AND DRINKS,網上面好多人介紹架﹗

爸爸食忌廉香蕉Pancake,媽媽和逸逸(+恆仔)就食Movenpick士多啤梨雪糕PANCAKE,應該好好味,因為媽媽已經講定下次要試邊款。

至於我,就係專程為了這兒的火焰牛油果PANCAKE而來。Pancake即叫即整,煎好餅皮之後,先放上牛油果和蛋黃醬,再用火槍燒燒佢,好香,食落又鹹又甜,有如充滿油香的半熟魚生,正!

店長極力推介他們的咖啡,我和爸爸都試吓,味道都唔錯。

食完Pancake就向長洲體育館出發。

先經過古色古香的長洲醫院

旁邊就是長洲體育館,目標是這兒的兒童遊戲室。我們打算參加1:50pm-2:35pm個節,好好彩我們一入去就Full House了。

長洲體育館遊戲室除了有一般的滑梯之外⋯⋯

最特別係可以扮搶包山,真係好過癮!

逸逸好快就同長洲的小朋友打成一片,玩得好開心,個個都係ELSA,個個都有魔法,所以同逸逸同聲同氣,不過逸逸也有失落的時候:”佢地唔信我有魔法”,哈哈。因為只有一個家長可以入去陪同,所以我同逸逸入去,恆仔先返酒店休息,爸爸媽媽就繼續活動。點知走的時候,當逸逸發現恆仔沒有在外面等她時,難過得差點哭了出來,回到酒還要恆仔承諾下次一定要在外面等她呢。

Comments

comments

發表迴響

你的電子郵件位址並不會被公開。 必要欄位標記為 *