吃過午飯之後就先跟已經累到頂唔順的逸逸返酒店睡午覺。
瞓係度望住個海，陪瞓都無咁悶。今日逸逸心比較野，雖然好累但又又瞓唔著覺，原本打算5pm游水，結果4:30pm才瞓著覺，結果決定推遲到5:30pm才出發。
開始接近黃昏，太陽無咁猛烈，是非常適合游水的時間，5:30pm依計劃叫逸逸起身，有得玩真係無敵，逸逸非常配合，完全沒有被吵醒的壞脾氣。
我們去酒店旁邊的東灣，行幾步就到，非常方便。
可能因為是平日的關係，東灣的人唔算多，水好乾淨，仲見到有魚添！逸逸同婆婆玩潑水，因為最近剛學識黃雨、紅雨同黑雨訊號，所以潑水都係分黃雨、紅雨同黑雨級別。
平日只有我和恆仔帶逸逸去沙灘，通常都係我同逸逸落水，恆仔留守大本營；今次同埋爸爸媽媽一齊去，我終於可以有少少ME TIME，久違的游咗去浮台，好有成功感。
爸爸、媽媽同恆仔輪流留守大本營，至於我，就當然長期被黏黏逸黐到實。
酒店入口前面有洗腳池，可以沖走晒身上面的沙先返房。
游完水就返房輪流沖涼，先沖完涼的就出露台Hea下。
欣賞日落的景色
夕陽真的很美
之後我們就出發去吃晚餐，今晚打算食海鮮。
先係酒店門口影下相
我選擇了海邊的興樂海鮮菜館。
雖然係夏天，但風扇加上海風，坐在室外非常舒服，完全唔熱。
晚餐非常豐富，興樂菜館最吸引的就是自選海鮮小菜套餐，我們5個人點了6款海鮮小菜，只需$388，可以從菜單中51款海鮮、肉類、蔬菜和湯𡙡中選擇6款，我們分別點了海鮮豆腐湯、香橙骨、油鹽水浸蜆、蒜蓉粉絲蒸扇貝、茄汁蝦以及西芹炒鮮魷，這個價錢當然不可能頂級好味，例如茄汁蝦一定唔會好大隻啖啖肉，要食靚嘢一定係自己買料加工，但這店整體質素唔錯，性價比超高，下次再去長洲會想再去。
另外我們還點了一碟楊州炒飯俾唔食海鮮的逸逸，再點了一支啤酒，成餐飯唔駛$500，抵到爛。
食飽飯散步返酒店，看到漁火點點的景色，好Relax，我哋仲邊行邊玩影子遊戲添，逸逸亦係由今晚開始，掌握到光和影子的關係。
酒店下面有一個遊樂場，逸逸一早就話想玩，但日頭太陽晒到辣Pat Pat，所以食完晚飯先嚟玩。
樣樣都玩下，只要同屋企樓下玩的不同已經特別有趣。
睇吓爸爸媽媽幾浪漫
返酒店喇
又係酒店的打卡位
我地未返房住，酒店有特別介紹自己有一個很適合觀星的天台，還會寫住邊一日有咩特別天文現象可以睇，所以我地都去參觀下個天台。
不是住海景房的客人也可以在天台高角度欣賞東灣景色。
仲有幾個充滿長洲特色的影相位
返到房間，繼續出露台享受安靜的長洲晚上。