暑假親子長洲行 – DAY 1 – 華威酒店無敵靚景

二零二一年七月十四日(星期三)

我們的長洲三日兩夜之旅開始了。

約好了爸爸媽媽坐11:45am中環前往長洲的船,有見逸逸行得慢,為免遲到我們10點鬆啲就出門了。

要先搭西鐵再轉東涌線,整個過程卻出奇的順利,我們比預期更早到達中環碼頭。怎料,媽媽今早突然身體不適,要休息一下再出發,他們會稍遲再來,好彩好快就無乜嘢。

反正我們早咗到碼頭,又不用等埋爸爸媽媽,最後我們搭早咗一班船出發。

我們依班係普通渡輪(慢船),其實一啲都唔普通,因為有個大窗可以睇風景,靚到成幅畫咁~

仲有,原來有冷氣的豪華位係長枱膠椅的SETTING,啱晒一班朋友去旅行玩CARD GAME,仲有食麵…依家好似已經無得食,因為聞唔到香味。至於我哋,長枱啱晒逸逸玩貼紙書同埋畫公仔,你食唔食果醬塗麵包?

船程大約50分鐘,我們來到長洲了。天氣報告話今個星期會落雨,見到藍天白雲,實在太好了。

我們今次入住位於東灣旁邊的老牌酒店 – 華威酒店。雖然說它歷史悠久,我卻還是第一次入住,年青的時候梗係慳錢住東堤……

酒店LOBBY也是老式的設計,收DEPOSIT竟然是$500現金,平日無乜現金係手的我本來諗住帶多少少現金入嚟買下小食,點知一鋪比佢清咗我袋,哈哈……

酒店有售好可愛的平安包消毒酒精,常使用又的確可以保平安,很有意思。

超級好的消息,我們的海景露台房已經READY,可以直接上房,爸爸媽媽的山景房就要大約3PM才預備好,唔緊要喇,一來他們還未到,到咗都可以將行裝放係我地間房。有朋友問華威酒店係咪仲係用鎖匙開門,答案是:YES﹗

雖然LOBBY設計古老,但房間卻有KEEP住裝修,入面都幾靚架~

最重要係依個無敵海景,呢個角度可以睇晒成個東灣,加上藍天白雲超好天氣,真係靚到嘩一聲﹗絕對可以扮自己去咗泰國。

收到爸爸媽媽通知,他們搭12:45PM的船,我們也只是留在房間休息,因為,我已經被依個靚景迷住了~

酒店的左邊是東灣,右邊就是直昇機場,這天剛好遇上有醫療需要的病人要搭直昇機去市區的醫院。不過唔似電視劇《隨時候命》的劇情,病人是自己由救護車行過去再自己行上直昇機的。

直昇機降落和起飛的聲量都好大,算是這家酒店的一點兒缺點,因為我們住三天兩夜就經歷過最少三次,其中一次逸逸正在睡覺,有點擔心她被吵醒。

我和逸逸預好時間出去接船。

今次長洲之旅大家都到齊了﹗不過這樣走了兩趟,逸逸的體力也被我消耗盡了……

爸爸媽媽也放好行李,欣賞一下個無敵海景之後,就出發去吃午餐了。

行出嚟碼頭一帶搵食,都唔知食乜好,爸爸媽媽原來已經在碼頭食咗啲嘢唔太餓,又要搵適合逸逸的食物,看起來有吸引力的又已經滿座,最後隨便選了海邊的洲際菜館,因為它同時供應旁邊已經滿座的洲際茶餐廳的食物。

坐低飲杯凍嘢舒服一下

依家洲際菜館無服務,恆仔的雞扒腸仔飯望落去已經覺得唔吸引,逸逸的餐蛋治也平平無奇。

但係和媽媽點的魚蛋河卻超級美味,魚蛋彈牙魚湯湯底清甜,實在意想不到,值得推介﹗

Comments

comments

發表迴響

你的電子郵件位址並不會被公開。 必要欄位標記為 *