已經聽聞屯門開了一間不得了的餐廳好一陣子，講到要好幾個月前Book枱先食到，所以都無諗過要同人爭。
早一日飛基團聚會聽到Amy推介佢屋企附近有一家味道不錯的餐廳，我一心係諗住去嗰度食午餐，點知經過頂頂大名的JEP by INVOLTINI見到入面唔係好多人，即管行入去問下竟然如果肯坐Bar枱就有位，一個人坐Bar枱有乜所謂？梗係擇日不如撞日，即刻決定係依度食午餐。
先來一個黑麥麵包一個酸種麵包配自家製黑醋牛油，熱辣辣好好味。
主菜係手造意大利粗麵蟹肉牛油果醬蟹子，整體的味道好配合，只是略嫌意大利粗麵欠缺一點嚼勁。
有水準的Latte
甜品是紅酒燴梨自家製冰糕，據店員說冰糕是加入很多Cream的雪糕，好味到一放入口即時自動展開幸福的笑容。
無端端食了一頓在屯門來說很貴的午餐，不過很幸福。