魔雪奇緣音樂會:從阿德爾出發

二零二一年五月二十二日(星期六)

一早約好爸爸媽媽同阿妹一家五月二十九日去迪士尼玩,點知就收到迪士尼宣傳由五月十五日開始連續三個星期六日特別為奇妙處處通白金卡及金卡會員而設的「魔雪奇緣音樂會﹕從阿德爾出發」,難得的活動又點可以錯過?於是我哋就連續去咗兩個星期迪士尼了!

我預約了5月22日3:15pm的場次

當然繼續一早出發去迪士尼玩下先喇!今日受逸逸寵幸有份同我哋一齊去迪士尼的係Patrick,為了今日的音樂會,我特地叫逸逸著Elsa衫襯返㗎!

今日的第一個遊戲係逸逸口中的「發夢」— 鐵甲奇俠飛行之旅,佢真係好投入,手舞足蹈的好像和Ironman一齊戰鬥一樣。

出到嚟見到蟻俠同埋黃蜂女,影返張合照先!

影完相就出現了Today’s Magical Moment:

職員:Hi Elsa,今日天氣好熱,可唔可以用魔法變d冰俾我
逸逸於是向他施展了魔法~

下一站係飛碟

然後就去玩森林河流之旅

咦!歷奇噴水池重開了!逸逸係入面超級興奮,我條褲就俾水射到濕晒。

出發去Toy Story Land,天氣開始熱,我哋搵返N年前買的噴水風扇出嚟,絕晒版㗎喇!

過嚟Toy Story Land當然係玩歡樂度高的轉轉狗

今日逸逸竟然突然勇氣倍增,願意再次挑戰綠色遮遮。話說上一次玩的時候逸逸都未夠三歲,當時逸逸玩完之後話:

  1. 我唔鍾意依個遊戲
  2. 今日唔再玩聽朝都唔玩

兩年後的今天就唔再驚,仲話好好玩添,挑戰成功!

午飯係我哋近排最鍾意光顧的大冒險家餐廳

食完午飯就去玩小飛象

跟住就到轉轉馬

仲夠時間玩埋小小世界

夠鐘啦!我哋係時候去睇Show,演出地點叫做展藝館,究竟係邊?最後要睇Google Map先知原來係獅子王慶典附近。

我地係演出前大約15分鐘進場,已經無晒靚位,不過我地真係無可能同有決心的人爭,因為我們入場時已經有人排緊4:30pm的場次了。

現場由Live Band伴奏

音樂會由6名歌手根據故事發展演唱Frozen的歌曲,由Frozen 1唱到Frozen 2,對於睇咗N次Frozen的我們來說,每首歌都超有畫面。雖然平日我們在家聽的是廣東話版,而今次演出唱的是英文版,但逸逸仍然非常投入。

當中更加有Elsa、Anna、基斯托夫同埋雪寶出來兜個圈同大家見面,大家都係興奮。

對於我來說,最興奮的莫過於見到基斯托夫,話晒第一次見,其中一個歌手仲扮斯特添!

至於逸逸,最興奮就係落假雪的部分,仲不停跳同埋轉晒圈添!

因為晚上要去媽媽屋企食飯,一早已經同逸逸講好睇完Show就走,臨走買杯啡振奮一下精神先。

臨尾係小鎮大街仲好好彩可以睇埋花車遊行撈埋汁先走。

Comments

comments

發表迴響

你的電子郵件位址並不會被公開。 必要欄位標記為 *