STAYCATION@JW MARRIOTT – DAY 2 – 海洋公園(上)

二零二一年四月五日(星期一)

我一直非常期待JW Marriott的早餐。

為了配合行程,昨日check in時我們已經選好了7:30am-9:00am的早餐時段。所以計劃上我們7:30am起床8:00am落去食早餐,有一個鐘頭慢慢嘆。不過人算不如天算,起身沒多久逸逸竟然流鼻血,有一排無再流鼻血的逸逸當然哭得死去活來,結果安頓好一切之後,坐低食早餐已經8:35am了。

早餐吃得匆匆忙忙,而且心情不好的逸逸黏到不行,很可惜的沒有太Enjoy這頓早餐,印象比較深刻的是美味的鮮果汁及多樣化的麵包,我試了久違了的Bagel。逸逸吃的也少,走的時候,職員甚至問逸逸食咁少嘢夠唔夠飽架。

食完早餐執好行李就Check Out,寄存行李在酒店,就輕輕鬆鬆的出發搭地鐵去海洋公園。

我們今次的package包兩大一小海洋公園門票,但不一定要入住當日進場,因為天氣不穩定,我們也曾考慮要不要下次再來,但一諗要山長水雨過來,又覺得只要天氣不太差就照去吧!

我們這類門票不用去網站預約,入場前scan安心出行就可以了,所以入場有點混亂。

一入場第一件事就係去玩逸逸最鍾意的轉轉魚,本來環迴水世界的要求是107公分(42吋)以下或未滿5歲之小童,必須由成人陪同及被安排乘坐廂座、旋轉椅或雙人座位,因為入去時我正在講公司電話,唔知規矩的恆仔幫兩樣都差少少先達標的逸逸揀咗自己坐的小海馬~

單人座位的海洋生物真係靚過雙人座位的大魚好多,始終身型龐大的深海魚比較灰灰黑黑。

下一站去澳洲歷奇,取消了進場前的電影,今天樹熊和袋鼠都顯得比較懶洋洋。

為了不和人羣擠在一起坐纜車,我們先坐海洋列車去高峰樂園,沒想到逸逸對於海洋列車入面的影片睇到如痴如醉,尤如真的經歷過一場深海歷險,海洋列車仲要成為今趟海洋公園之旅最喜愛的玩意。

在高峰樂園看到美美的櫻花

繞個圈就搭返纜車落山,逸逸今次竟然畏高,全程捉到我實一實。

香港老大街,見到海洋公園的老照片,也想起小時候跟家人和朋友去海洋公園的情景。

下一站我們去小朋友最鍾意的威威天地,先玩下樂器。

然後坐呠呠火車頭

旁邊有新設施,原來係小狐獴與大象龜之旅,小狐獴好cute呀!

館內設有不同類型的互動遊戲,逸逸就同非洲動物賽跑,逸逸除咗跑贏左非洲動物之外,仲跑贏埋隔離個小朋友添,真係用盡全力。

仲有書仔介紹狐獴的生態,逸逸都好用心聽我講解,又同小朋友一齊坐定定觀察小狐獴⋯⋯

除咗小狐獴之外仲有大象龜,真係超級無敵的大,好誇張。

摩天輪控又有得玩摩天輪,不過依個超小型的,坐咗上去睇唔到咩風景,但係睇到旁邊地盤起緊新設施,原來係依家已經開放左的探索號R。

見唔見到逸逸手上戴緊安全帶的粉紅色小象?其實係昨晚食開心樂園餐的小玩具,負責這個昇空奇遇的工人人員話覺得好靚,仲問係邊度買添!有人讚逸逸的新歡逸逸都唔知幾開心。

跟住我哋排隊玩威威天地入面的遊樂場巨人森林,因為疫情關係會限制進場人數及時間,完成每節遊戲時間都會安排消毒。

因為疫情的關係,太耐無玩過攀排的設施,逸逸的攀爬能力超級大倒退,連上個樓梯都戰戰兢兢,仲造成大塞車。看到年齡更小的動作都比她靈活,實在令人非常擔心。

係遊樂場玩期間,恆仔去咗排幻彩旋轉馬,差唔多到就叫我們過去。

這種也是舊式轉轉馬,但跟昨晚玩的又不同,這個轉得好快,所以小朋友玩要有成年人站在旁邊陪同。

係逸逸仲玩緊滑梯的時候,我已經透過THE GULU拎定熊貓薈的飛仔,玩完轉轉馬行到過去,差唔多就有位了。

還是第一次光顧熊貓薈,全面坐得幾舒服,不過恆仔話買食物的Logistic好差,所以搞咗好耐,好彩有電視睇逸逸先無唔耐煩。

我們叫了一個套餐、一個兒童餐再加一份點心,食物味道正常,唔特別吸引,但也唔抗拒再來。

Comments

comments

發表迴響

你的電子郵件位址並不會被公開。 必要欄位標記為 *